Энэ ням гаригт “Бүх хайраа гэр бүлдээ” өдөрлөг болно
Жил бүрийн тавдугаар сарын 15-нд дэлхийн гэр бүлийн өдөр тохиодог. Энэ өдрийг угтан “Бүх хайраа гэр бүлдээ” өдөрлөгийг Эрдэнэт цэцэрлэгт хүрээлэнд ням гаригт буюу энэ сарын 14-нд зохион байгуулах гэж байна. НҮБ-ын ерөнхий ассамблей 1993 оны есдүгээр сарын 20-ны хуралдаанаар 1994 оноос эхлэн тавдугаар capын 15 өдрийг "Гэр бүлийн өдөр" болгосон. Энэхүү өдрийг дэлхий даяар тэмдэглэж өнгөрүүлснээс хойш өдгөө 28 жил, Монгол Улс 19 дэх жилтэйгээ золгож байна.
“Бүх хайраа гэр бүлдээ” өдөрлөгийн зорилго нь гэр бүлийн үнэ цэнийг нэмэгдүүлэх, хүүхдийн хөгжлийг дэмжихэд эцэг эхийн оролцоог хангах, спорт танин мэдэхүйн мэдлэг ойлголтыг хөгжүүлж, гэр бүлийн сайн сайхны төлөөх үйл ажиллагааг дэмжихэд оршдог билээ.
Өдөрлөгийн үеэр “Аав, ээж, би” буухиа тэмцээн, Open mic, циркийн тоглолт, мөлхөө жаал, Аз жаргалтай гэр бүл зэрэг 10 гаруй арга хэмжээ болох тул үр хүүхэдтэйгээ идэвхтэй оролцож дурсамж бүтээхийг аав, ээжүүддээ уриалж байна. Өдөрлөг олон сонирхолтой арга хэмжээнүүдээр 10:00-18:00 цаг хүртэл үргэлжилнэ.
Тус арга хэмжээний ерөнхий зохион байгуулагчаар ЗДТГ-ын НБХ, Гэр бүл, хүүхэд, залуучуудын хөгжлийн газар хамтран зохион байгуулагчаар Баян-өндөр сумын ЗДТГ, Соёл урлагийн газар,Боловсрол шинжлэх ухааны газар, Биеийн тамир спортын газар, Эрдэнэт цэцэрлэгт хүрээлэн, Эрүүл мэндийн газар, Төрийн бус байгууллагын төлөөллүүд ажиллаж бэлтгэл хангаж байна.
Мэдээллийн төв
