Манжуур хотын Ардын засгийн ордны дарга Юэ ГуоДун тэргүүтэй албаныхан зочиллоо
БНХАУ-ын ӨМӨЗО-ны Манжуур хотын Ардын засгийн ордны дарга Юэ ГуоДун, тэргүүтэй төлөөлөгчид өнөөдөр Орхон аймаг, Эрдэнэт хотод ажлын айлчлал хийж байна.
Засаг дарга С.Батжаргал тэргүүтэй удирдлагууд хүлээн авч уулзан, хоёр хотын харилцаа, хамтын ажиллагааны талаар санал солилцов.
Уулзалтын эхэнд Засаг дарга С.Батжаргал “Орхон аймаг, Эрдэнэт хотод айлчилж буй Та бүхэнд баярлалаа. Манай хоёр хот 2015 онд нөхөрсөг сайхан хамтын ажиллагааны “Санамж бичиг”-т гарын үсэг зурсан нь хоёр хотын төдийгүй манай хоёр улсын найрамдалт харилцаанд ихээхэн чухал үйл явдал болсон билээ. Мөн 2016 онд танай сайхан хотод айлчилж найрамдалт харилцаатай хотуудын хэлэлцээрийг үзэглэсэн. Энэ цагаас хойш бид найрсаг, олон талт хамтын ажиллагааг өрнүүлсээр ирсэн. Дэлхий нийтийн хамарсан цар тахлын дараах энэ цаг үед бид хамтын ажиллагаагаа дээшлүүлэх цаг үе ирээд байна” хэмээлээ.
.jpg)
Энэ жил Монгол Улс, БНХАУ-ын хооронд дипломат харилцаа тогтоосны 74 жилийн ой, Найрсаг харилцаа, хамтын ажиллагааны гэрээ байгуулсны 29 жилийн ой тохиож буй.
Манжуур хотын Ардын засгийн ордны дарга Юэ ГуоДун Орхон аймагт хийж буй энэхүү айлчлалаараа цар тахлын дараах хамтын ажиллагаагаа сэргээж, өргөн хүрээнд хамтран ажиллах хүсэлтэй байгаагаа илэрхийлсэн. Тэрээр, цаашид төр засгийн байгууллагууд, эдийн засаг бизнесийн салбар, аялал жуулчлал, соёл, спорт, боловсрол, эрүүл мэндийн салбарын хамтын ажиллагааг эрчимжүүлэхэд хамтран ажиллахаа хүсэлтэй байгаагаа хэлж байв.
Ноён Юэ ГуоДун Манжуур хотын Ардын засгийн ордны даргаар томилогдсоны анхны гадаад айчлал нь Монгол Улс байж, тэр дундаа Орхон аймаг, Эрдэнэт хот болсонд сэтгэл өндөр байгаагаа илэрхийлсэн. Ийн хамтын ажиллагааны талаар санал солилцсоны дараа хоёр хотын хамтын ажиллагааны төлөвлөгөөг Засаг дарга С.Батжаргал, Манжуур хотын Ардын засгийн ордны дарга Юэ Гуо Дун нар үзэглэлээ.
БНХАУ-ын ӨМӨЗО-ны Манжуур хотын хийж буй айлчлалын бүрэлдэхүүнд хотын Ардын засгийн ордны Тамгын газрын дарга Ван Хуй, Гадаад харилцааны албаны дарга Жан Жиже, Худалдааны газрын дарга Лю Жичэн, Хөгжил шинэчлэлийн хорооны дарга Шы ШяньВэй, Гадаад харилцааны газрын орчуулагч Сайнаа нар манай аймагт зочилж байна.
Мэдээллийн төв
