Засгийн газрын 2021 оны 377 дугаар тогтоолоор батлагдсан аймгийн Засаг даргын дэргэдэх 26 агентлаг, 2 сум нийт 28 төсвийн шууд захирагч нартай байгууллагын гүйцэтгэлийн төлөвлөгөөг холбогдох журмын дагуу захиргааны байгууллагуудын 2023 оны гүйцэтгэлийн төлөвлөгөөг баталлаа.  Энэ жилийн гүйцэтгэлийн төлөвлөгөөг байгуулахын өмнө  Засаг дарга болон холбогдох албаныхан төсвийн шууд захирагч нартай 2022 онд хийж хэрэгжүүлсэн ажил, цаашид хэрэгжүүлэхээр төлөвлөсөн арга хэмжээний талаар санал дүгнэлтийг сонсч танилцсан. 

Орхон аймаг Монгол Улсын Засгийн газрын болон аймгийн Засаг даргын Үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөний хэрэгжилтийг бид бүхэн төлөвлөсөн зорилтоо 85.6-аас 90.8 хувьтайгаар амжилттай хэрэгжүүллээ. 

   Аймгийн Засаг дарга С.Батжаргал нэгдүгээр сарын 13-15-ны өдрүүдэд  Монгол улсын Ерөнхий сайд,  Монгол улсын сайд Засгийн газрын Хэрэг Эрхлэх газрын дарга болон яамдын сайд нартай хамтран ажиллах гэрээнд гарын үсэг зурж баталгаажуулсан.   Энэхүү хамтран ажиллах гэрээ тус бүрт тусгагдсан арга хэмжээнүүдийг нэг бүрчлэн орон нутагт хэрэгжүүлэх зорилгоор захиргааны байгууллагуудын төсвийн шууд захирагч нартай байгууллагын гүйцэтгэлийн төлөвлөгөөнд тусгуулан, тус гүйцэтгэлийн төлөвлөгөөг өнөөдөр байгууллаа. 

2023 он бол Монгол улсын Засгийн газраас баримтлаж буй бодлогод чиглүүлэхээр үйл ажиллагаагаа төлөвлөн, эхлүүлээд байна. Үүнд:

•   “Шинэ сэргэлтийн бодлого”-ыг орон нутагтаа амжилттай хэрэгжүүлэх ажлыг эрчимжүүлэх 
•   Цахимжуулалтын ажлыг эрчимжүүлэх, үйл ажиллагаагаа ил тод нээлттэй болгох, Төрөөс үзүүлж байгаа бүхий л үйлчилгээг цахимжуулах
•  Ногоон байгууламжаа нэмэгдүүлэх, Тэрбум мод үндэсний хөдөлгөөнд манайлан оролцох
•   Хог хаягдлын менежментээ сайжруулах, ангилах, орчны бохирдолыг арилгахад чиглүүлэн ажиллахад анхаарах шаардлагатайг онцлов. 

Шинэ сэргэлтийн бодлогын Хот хөдөөгийн сэргэлтийг эрчимжүүлэх ажлын хүрээнд Улаанбаатар хотоос орон нутагт шилжин суурьших, иргэд, аж ахуй нэгжийг дэмжих зэрэг асуудалд манайлан оролцох  шаардлагатайг нийт байгууллагуудын удирдлагуудад Засаг дарга С.Батжаргал санууллаа. 

Мөн тэрээр, “2023 оны ажлууд нь бүхэлдээ хүний хөгжил рүү чиглэсэн гадаад, дотоодын хөтөлбөр төслүүдийн үр дүн олон нийтэд хүргэсэн, Эрдэнэт хотынхоо өнгө үзэмж, дэд бүтцийг сайжруулахад чиглэсэн бүтээн байгуулалт өрнөсөн, төрийн байгууллагуудын үйлчилгээнд дэвшил гарсан бүтээлч ажлын жил болно гэж бодож байна.
      Та бүхэн Монгол Улсын Засгийн газраас дэвшүүлсэн зорилт, аймгийн Хурлын байгууллагын үндсэн чиглэл,  аймгийн Засаг даргын Үйл ажиллагааны хөтөлбөр түүнийг хэрэгжүүлэх арга хэмжээний төлөвлөгөө, 2023 оны жилийн ажлын төлөвлөгөөнд тусгасан зорилтуудыг хэрэгжүүлэхэд  өөрсдийн мэдлэг, ур чадвараа дайчлан ажиллаж төлөвлөгөөгөөр хүлээсэн үүргээ бүрэн дүүрэн биелүүлэн ажиллахыг хүсье” гэлээ. 

Мэдээллийн төв