Аймгийн нийтийн тээврийн үйлчилгээнд явах 12 автобусыг ААНБ-уудад хүлээлгэн өглөө
2020-2024 он хүртэл аймгийг хөгжүүлэх 5 жилийн үндсэн чиглэл, аймгийн Засаг даргын үйл ажиллагааны хөтөлбөрт иргэд, сурагчдыг ая тухтай аюул осолгүй тээвэрлэх, нийтийн тээврийн үйл ажиллагааг сайжруулахаар тусгасан.
Үүний хүрээнд 2022 онд орон нутгийн төсвийн 2,2 тэрбум төгрөгийн хөрөнгө оруулалтаар нийтийн тээврийн үйлчилгээ болон сурагчды автобусны парк шинэчлэлтэд зориулж тэг гүйдэлтэй 12 ширхэг дунд оврын Hyundai County автобусыг ААНБ-уудад хүлээлгэн өглөө.
Ингэхдээ ББ-Од ХХК-д 5 ширхэг, Тод од транс ХХК-д 4 ширхэг, Автомастер ХХК-д 1 ширхэг автобусыг ашиглуулж, эзэмшүүлэхээр гэрээгээр хүлээлгэн өгсөн бол Жаргалант сумын ахмад настан, сурагчдын автобусыг шинэчлэх ажлын хүрээнд 1 автобус, аймгийн сурагчдын автобусны тоог нэмэгдүүлэх ажлын хүрээнд 1 автобусыг Хот тохижуулах газарт тус тус хүлээлгэн өгөв.
Дээрх автобуснууд нь стандартын дагуу бууж суух 2 хаалгатай, ХБИ-ийг буулгаж суулгах боломжоор бүрэн хангахын зэрэгцээ карт уншуулах тоног төхөөрөмжийг суурилуулсан бөгөөд хоёрдугаар сарын 1-нээс үйлчилгээнд явж эхэлнэ.
.jpg)
Орхон аймаг Эрдэнэт хот нийтийн тээврийн үйлчилгээг цахимжуулах зорилгоор “EPASS” төслийг үндэсний тэргүүлэгч электроникийн компани болох “СИМ” ХХК-тай хамтран хэрэгжүүлж байгаа билээ. Тэгвэл ирэх сарын 1-нээс эхлэн хотын доторх нийтийн тээврээр үйлчлүүлэхдээ төлбөрийн цахим карт ашиглах нөхцлийг бүрдүүлээд байна. EPASS цахим төлбөрийн карт нь хүүхэд, оюутан залуус, Хөнгөлөлттэй зорчигч буюу- хөгжлийн бэрхшээлтэй, ахмад настан гэсэн дөрвөн төрөлтэй. “Хөнгөлөлттэй зорчигч” картаар оюутан, цагдаа, өндөр настан, хөгжлийн бэрхшээлтэй иргэд зорчих боломжтой бол “хүүхдийн картыг” 6-12 насны хүүхдүүд ашиглах боломжтой. Харин 12-оос дээш насны хүүхдүүд энгийн картаар зорчих юм.
Картыг Согоот баг, 6-р микрийн нэг дүгээр байрны дэргэдэх автобусны буудал дээр байрлах картын төвд худалдаалж байна.
Мэдээллийн төв
.jpg)
