“Багийн хөгжлийг дэмжих хөтөлбөр”-ийг үр дүнтэй хэрэгжүүлсэн шилдэг зургаан баг тодорлоо
“Багийн хөгжлийг дэмжих хөтөлбөр” зургаа дахь жилдээ Баян-Өндөр, Жаргалант сумдын 25 багт хэрэгжиж байна. Төрийн үйлчилгээг иргэдэд анхан шатанд түргэн шуурхай, хүртээмжтэй хүргэхэд манлайлж ажилласан Цагаанчулуут, Хүрэнбулаг, Дулаан-Уул, Говил, Рашаант, Баянцагаан зэрэг зургаан баг 2022 оны шилдэг багаар тодорлоо.
Хүрэнбулаг баг: Энэ онд цахим баг болгох зорилт тавьж, багийн иргэдийн 90 орчим хувийг сошиал сүлжээнд групп болгон нэгтгэн мэдээлэл түгээсэн байна. Мөн хэсгийн ахлагч нарын цаасан дэвтрийг цахимжуулж, багийн ажилчдын ажиллах орчин нөхцөлийг сайжруулах, тэднийг чадавхжуулахад анхаарч ажиллажээ.
Цагаанчуулуут баг:Тус баг 2022 онд инженерийг шугам сүлжээ татах, шинээр ЦТП барих, хөршийн холбоодын ахлагчдыг багийн ажилд татан оролцуулах, “Иргэний танхим” байгуулах зэрэг ажлуудыг хийж гүйцэтгэсэн байна. Мөн хогоо эх үүсвэр дээр нь ангилан ялгах ажлыг эхлүүлж тодорхой үр дүнд хүрчээ.
Жаргалант сумын Дулаан-Уул баг: Багийн иргэдэд мэдээ мэдээлэл хүргэхэд ихээхэн анхаарч, тэдэнд тулгамдаж буй асуудлыг шийдвэрлэн ажиллажээ. Тухайлбал, шинээр хоёр худаг барьж малчдад тулгамдаж буй асуудлыг нь шийдвэрлэсэн байна.
Рашаант баг:2022 онд тус багт хог хаягдлын менежментийг сайжруулах, хогоо эх үүсвэр дээр нь ангилан ялгах төсөл туршилтаар хэрэгжсэн. Мөн шинээр гэрэлтүүлэг, камер суурилуулах ажил хийгдсэн билээ.
Говил баг: Тус багт шинэ багийн байр ашиглалтад орж иргэдэд төрийн үйлчилгээг нэг дороос хүргэх боломжийг бүрдүүлсэн. Мөн хөршийн холбоодын 50 ахлагчийг сургалтад хамруулж мэргэшүүлжээ.
Баянцагаан баг: 2022 онд шинээр камержуулалт, гэрэлтүүлэг хийгдэж гэмт хэрэг зөрчлөөс урьдчилан сэргийлэх боломж бүрдсэн байна.
Мэдээллийн төв 
