2022 оны 11-р сарын 27

“Өглөөний цайгаа ууж хэвшицгээе" уриатай "Ходоод минь сэрээрэй" сургалт өдөрлөг боллоо 

2022-2023 оны хичээлийн жилд орон нутгийн санхүүжилтээр  “Эрүүл хүүхэд” төслийг аймгийн ЗДТГ, БШУГ хамтран хэрэгжүүлж байгаа. Ерөнхий боловсролын сургуулийн сурагчдад эрүүл мэндийн боловсролыг тэгш хүртээмжтэй, цогц хэлбэрээр олгох, эрүүл амьдралын дадлыг төлөвшүүлэх нь энэхүү төслийн зорилго юм. Мөн цаашлаад  эрсдэлтэй хүчин зүйлийг хувь хүн, гэр бүл, боловсрол, эрүүл мэндийн байгууллагуудын идэвх оролцоо, нэгдмэл үйл ажиллагаанд тулгуурлан төслийн үр дүнд бууруулахыг зорьж буй. 
Төслийн хүрээнд өнөөдөр "Өглөөний цайгаа ууж хэвшицгээе" уриатай "Ходоод минь сэрээрэй" сургалт өдөрлөгийг ерөнхий боловсролын 9-12 дугаар ангийн 50 сурагчдын дунд зохион байгууллаа. 
     2021 оны статистик  үзүүлэлт сурагчдын дунд хоол боловсруулах тогтолцоо, амьсгалын тогтолцооны өвчин нийт өвчлөлийн тэргүүлэх шалтгаан болж байна гэж гарсан. Мөн  “ЕБС-ийн сурагчдын эрүүл мэндийн зан үйлийг тодорхойлох” судалгаагаар сурагчдын 12.1 хувь нь илүүдэл жин, таргалалттай, 44.7 хувь нь өглөөний цай тогтмол ууж хэвшээгүй, 33.6 хувь нь өдөр бүр хийжүүлсэн ундаа уудаг, 26.4 хувь нь түргэн хоол, цайны газраар тогтмол үйлчлүүлдэг, 56,5 хувь нь сургууль дээр хоол идэх, цай уухдаа гараа угаадаггүй эсвэл хааяа угаадаг гэсэн судалгааны дүн гарсан байдаг. 


    Тиймээс үе тэнгийнхнээр нь дамжуулан өглөөний цайгаа ууж хэвших дадалд уриалах, түүний ач холбогдлыг таниулах нь энэхүү сургалт өдөрлөгийн зорилго байв. 
Энэхүү өдөрлөгийг Монголын тогоочдын холбоо, ЭМГ, Хүүхдэд ээлтэй байгууллага WENS ХХК-тай хамтран зохион байгуулсан бөгөөд гарын доорх материалаар хийж болох 5-6 нэр төрлийн өглөөний цайг сурагчид өөрсдийн гараар бэлтгэж сурлаа. 
     Орхон аймгийн хэмжээнд төрийн болон хувийн өмчийн 24 сургуульд 25 багш 19573 сурагчдад эрүүл мэндийн боловсрол олгон ажилладаг. “Эрүүл хүүхэд” төслийн хүрээнд эрүүл мэндийн боловсрол олгодог 20 гаруй багшийг сургагч багшаар бэлтгэж нөлөөллийн олон үйл ажиллагааг зохион байгуулах юм. 
Ерөнхий боловсролын сургуулиудад эрүүл мэндийн боловсрол олгох сургалт явуулах зориулалтын кабинет, лаборатори, шаардлагатай сургалтын хэрэглэгдэхүүн сурагчдад хүртээмжтэй бус  байдлыг шийдвэрлэж ерөнхий боловсролын IV сургууль дээр Эрүүл мэндийн жишиг кабинетийг төслийн хүрээнд байгуулсан. Ингэснээр сурагчид хоол хүнсний шим тэжээл судалж, эрүүл мэндийн олон мэдлэгийг практикт тулгуурлан суралцаж байна. 

Мэдээллийн төв 
 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.143.121
  • 2 Онлайн
  • 40 Өнөөдөр
  • 86 Өчигдөр
  • 1226 Долоо хоногт
  • 5556 Сүүлийн сард
  • 6681023 Нийт хандалт