Он дамжин хэрэгжих 12 хөрөнгө оруулалтын ажил байна
Өнгөрсөн долоо хоногийн шуурхай зөвлөгөөнөөр он дамжин хийгдэж байгаа хөрөнгө оруулалтын ажлын санхүүжилт 2023 оны улсын төсөвт тусгагдаж байгаа талаарх мэдээллийг ирүүлэх үүрэг даалгаврыг өгсөн. Үүнд Хот байгуулалт, барилга захиалагчийн албанаас дараах мэдээллийг ирүүлжээ.
Он дамжиж байгаа 12 ажил байна. Үүний улсын төсвийн хөрөнгө оруулалтаар 4 ажил, Баян-Өндөр сумын нэг, бусад нь орон нутгийн санхүүжилтээр байна.
2021 оноос он дамжин хэрэгжиж байгаа 19 ажлаас 8 ажил дээр комисс ажиллаж ашиглалтад хүлээн авсан бол хоёр ажил дуусч захиалагчийн дүгнэлт гарчээ. Харин 9 ажил он дамжихаар байгаа аж. Он дамжих 9 ажлаас 6 ажил нэмэлт хөрөнгө болон санхүүжилт дутуу тавигдсанаас шалтгаалжээ.
2017-2020 онд он дамжсан 39 ажлаас 8 ажлыг бүрэн дуусгаж комисс ажиллаж хүлээн авсан бол 13 ажлын гэрээг цуцалж шүүхээр шийдвэрүүлжээ. Улсын төсвийн хөрөнгө оруулалтын ажлыг БХБС-ын түр журмын дагуу он дамжин хэрэгжиж байгаа 10 ажлаас 6 ажил Барилга хөгжлийн төвийн магадлалын хэлтэст ажлын тоо хэмжээг батлуулан нэмэлт төсвийг батлуулсан бол түр журмын дагуу 4 ажлын нэмэлт хөрөнгө батлагдаагүй буцаагджээ.
Үүнд.
- 1“Жам” ХХК-ийн гүйцэтгэж байгаа Рашаант багийн сургууль нь 2021 онд ажил гүйцэтгээгүй, үнийн өсөлтөд өртөөгүй гэдэг шалтгаанаар /2020 онд батлагдсан төсвийн хэмжээнд ажлаа гүйцэтгэж дууссан/ төсөв нэмэгдэж батлагдаагүй.
- 2. “Наяд констракшн” ХХК-ийн Наран багийн соёлын төв нь гүйцэтгэгч компанийг шүүхэд шилжүүлсэнтэй холбоотой үлдсэн.
- 3.”Немон констракшн” ХХК-ийн 928 хүүхдийн сургуулийн ажил дууссан уд нэмэлт хөрөнгийг Барилга хөгжлийн төвөөс санхүүжүүлэхийг татгалзсан.
- 4.”Номун дөлгөөн” ХХК-ийн Баянцагаан багт хийгдэж байгаа инженерийн шугам сүлжээний ажил нь 2021 онд ажил хийгдээгүй гэсэн шалтгаанаар нэмэлт хөрөнгө батлагдах боломжгүй байсан тул мөн буцаасан гэх мэдээллийг өглөө.
Мэдээллийн төв
