Орлогод нийцсэн орон сууцны төслийг өөрийн хөрөнгөөр хэрэгжүүлэх төсөл хэрэгжүүлэгчийг сонгох нээлттэй сонгон шалгаруулалтад урьж байна. 
2022 оны 10 дугаар сарын 10 өдөр                                                                                                                                                            Дугаар: ОР2022/01

Орхон аймгийн Засаг даргын Тамгын газраас орлогод нийцсэн орон сууцны төслийн байршлуудад 100 хувь өөрийн хөрөнгөөр /ажлын зураг, барилга угсралт/ орон сууцны цогц хотхон, хорооллын бүтээн байгуулалтыг хийж боловсруулах хөрөнгө оруулагч, иргэн, аж ахуй нэгжийг хамтран ажиллахыг урьж байна.

Байршил: Баян-өндөр сумын Оюут багийн Дөмөг худалдааны төвийн зүүн урд талд байрлах 4.1 га талбай Нэг. Төсөл хэрэгжүүлэхийг сонирхож буй хөрөнгө оруулагч этгээд нь тус төслийн шалгаруулалтад оролцож, урилгад заагдсан баримт бичгийг авах хүсэлтээ бичгээр ирүүлэх ба эргэн төлөгдөхгүй нөхцөлөөр 100,000 (Нэг зуун мянган) төгрөгийн төлбөрийн баримтын эх хувийг хавсаргасан байна.

Төлбөрийн данс: Капитрон банк: Ор Барилга захиалагчийн алба ОНӨААТҮГ, 3007010929 тоот дансанд компанийн нэр, төслийн баримт бичгийн нэр, төслийн байршлыг гүйлгээний утган дээр тодорхой бичнэ.

Хоёр. Урилгын дагуу төсөл хэрэгжүүлэгчийн сонгон шалгаруулалтын баримт бичгийг худалдан авч танилцсан этгээд төсөл хэрэгжүүлэх саналаа зааврын дагуу битүүмжилсэн байдлаар эх хувь, хуулбар хувь, цахим хувийг бэлтгэн 2022 оны 11 дүгээр сарын 09-ны өдрийн 10.00 цаг хүртэл Хот байгуулалт, барилга захиалагчийн алба ОНӨААТҮГ-ын Хот дахин хөгжүүлэх, орон сууцны хэсэгт /Захиргааны III байр 2 давхар, 208 тоотод/ хүлээлгэн өгнө.

Тус өдрийн 10:30 цагт сонирхогчдод оролцогчдын мэдээллийг нээлттэй зарлана. Оролцогчийн санал гаргагч нь сонгон шалгаруулалтын баримт бичигт тусгагдсан болон дор дурдсан нийтлэг материалуудыг бүрдүүлсэн байна.

Үүнд:

1. Аж ахуйн нэгж байгууллагын гэрчилгээ, тусгай зөвшөөрлийн хуулбар, ерөнхий танилцуулга

2. 2020, 2021 оны санхүүгийн тайлан, аудитын дүгнэлт

3. Татвар, нийгмийн даатгал, банк болон шүүхийн төрөлжсөн архивын тодорхойлолт

4. Нотариатаар баталгаажуулсан түншлэлийн гэрээ /Хэрэв 2 ба түүнээс дээш аж ахуйн нэгж хамтран ажиллахаа илэрхийлсэн түншлэлийн гэрээ/

5. Барилгажилтын төсөл /Загвар зураг, гадна шугам сүлжээний шийдэл/

6. Төсөл хэрэгжүүлэх аргачлал, төлөвлөгөө, сараар гаргасан үйл ажиллагааны нарийвчилсан төлөвлөгөөний хамт

7. Зураг төслийн болон барилга угсралтын ажлын туршлага, сүүлийн 3 жилд хийж гүйцэтгэсэн барилга угсралтын ажил, хөрөнгө оруулалтын мэдээлэл

8. Санхүүгийн эх үүсвэр /төсөлд шаардагдах нийт хөрөнгө оруулалтын эх үүсвэрийг нотолсон дансны хуулга, зээлжих эрх, банкны баталгаа, хөрөнгө оруулалтын гэрээг Монгол хэлээр орчуулж баталгаажуулсан байх/

9. Саналын цахим хуулбарыг PDF хэлбэрээр буулгаж ирүүлэх

10. Гадаадын хуулийн этгээд оролцох бол материалаа Монгол хэл дээр ирүүлнэ.

ТӨСЛИЙН ТАЛААРХ ДЭЛГЭРЭНГҮЙ МЭДЭЭЛЭЛ: Хаяг: Монгол улс, Орхон аймаг, Баянөндөр сум, Зэст баг, Залуучуудын гудамж, “Захиргааны III байр, 2 давхар 208 тоот, Утас: 7035-9282, 99215457 /ажлын цагаар/ Вэб сайт: www.erdenet.mn