Сүүлийн 3 жилийн байдлаар шилэн дансны хуулийн хэрэгжилт өссөн дүнтэй байна
Өнөөдөр болж байгаа аймгийн Засаг даргын зөвлөлийн хурлаар Шилэн дансны тухай хуулийг хэрэгжүүлэх талаар зохион байгуулж буй ажил, хэрэгжилтийн талаар танилцуулгыг СХДАА-ны дарга Д.Сайзмаа хийлээ.
Санхүүгийн хяналт дотоод аудитын алба нь аймгийн Засаг даргын төсвийн багцад хамаарах 84 байгууллагад улирал бүр шилэн дансны хуулийн хэрэгжилтэд дотоод аудит хийж ажилладаг.
Аймгийн нэгдсэн дүнгээр 2021 оны 4-р улиралд 94,4 хувьтай, 2022 оны 1-р улиралд 92,3%, 2-р улиралд 95,2%-тай гарсан байна. Энэ нь өмнөх онуудтай харьцуулахад сайжирсан үзүүлэлт ажээ. Тодруулбал сүүлийн 3 жилийн байдлаар шилэн дансны хуулийн хэрэгжилт 2,2 хувиар өссөн дүнтэй байгаа юм.
Тус алба нь байгууллагууд цаг хугацаандаа мэдээлж байгаа эсэх, мэдээлэл оруулахдаа иж бүрнээр нь оруулж байгаа эсэхд хяналтыг тавьж ажилладаг. Ингэхдээ 3-аас дээш улирал 70 хувиас доош хэрэгжилттэй байгаа байгууллагууддаа зөвлөн туслах үйлчилгээг үзүүлж хэрэгжилтийг сайжруулах тал дээр хамтран ажилладаг талаар мэдээллээ.
Мэдээллийн төв
