2024 оны 03-р сарын 29

Сүрьеэгийн хөтөлбөрийн хамтарсан баг манай аймагт ажиллаж байна

Монгол улс сүрьеэгийн өвчлөлийн дарамт өндөртэй 30 орон, олон эмэнд тэсвэртэй сүрьеэгийн өвчлөл өндөр орны жагсаалтад 2021 оноос орсон байна. 
       Иймд “Сүрьеэг устгах” дэлхийн стратегийн зорилтот хүрэх үйл ажиллагааг эрчимжүүлэх зорилгоор ЭМЯ, Дэлхийн эрүүл мэндийн байгууллага, Глобал сангийн дэмжлэгтэй ДОХ, сүрьеэгийн хөтөлбөрийн улсын хамтарсан үнэлгээг хийх ажлын хэсэг Орхон аймагт ажиллахаар өнөөдөр ирлээ. 
          Ажлын хэсгийг аймгийн Засаг даргын Тамгын газрын даргын үүргийг түр орлон гүйцэтгэгч Ш.Ганболд, Нийгмийн бодлогын хэлтсийн дарга А.Бумансор, ЭМГ-ын дарга Д.Сүхээ, БОЭТ-ийн захирал Наран-Эрдэнэ нар хүлээн авч уулзлаа. 
         Нийт 12 хүний бүрэлдэхүүнтэй ажлын хэсэг 5 хоногийн турш манай аймагт ажиллах бөгөөд ЭМГ, БОЭТ-ийн сүрьеэгийн тасаг,өрхийн эрүүл мэндийн төвүүд, эрүүл мэндийн даатгалын хэлтэс, Эрдэнэт медикал эмнэлэгүүдэд ажиллаж сүрьеэ өвчний эсрэг хийж хэрэгжүүлж буй үйл ажиллагаа болон, тусламж үйлчилгээний санхүүжилт, хөтөлбөрийн хэрэгжилтийн талаар мэдээлэл солилцох ажээ. 
      Энэхүү хамтарсан үнэлгээ нь Монгол улсад 9 жилийн дараа дахин хийгдэж байгаагаараа онцлог ажээ. Энэ удаагийн судалгаанаас гарсан дүгнэлтийг цаашид сүрьеэ өвчнөөс урьдчилан сэргийлэх ажилд том дэмжлэг болно гэдгийг онцолж, манай аймгийн хувьд энэхүү өвчлөлийн эсрэг авч хэрэгжүүлэх арга хэмжээний нэн тэргүүнд тоног төхөөрөмжийн сайжруулалт, хүний нөөцийн асуудалд онцгой анхаарч ажилладаг талаар мэдээлэл өглөө. 
Аймгийн хэмжээнд жилд 90-100 хүн сүрьеэгээр өвчилж 2022 оны эхний 9 сарын  байдлаар 51 хүн сүрьеэгийн диспансерийн хяналтад байна. Мөн эмэнд тэсвэртэй сүрьеэ өвчнөөр 9 хүн эмчлэгдэж байна. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 3.89.200.155
  • 2 Онлайн
  • 218 Өнөөдөр
  • 357 Өчигдөр
  • 2494 Долоо хоногт
  • 19785 Сүүлийн сард
  • 6914553 Нийт хандалт