Гурван замын постыг Жаргалант сумын Цагдаагийн посттой нэгтгэх боломжийг судалж, байршлын схем боловсруулж байна
Даваа гаригийн аймгийн Засаг даргын шуурхай зөвлөгөөн хуралдлаа. Өнгөрсөн долоо хоногийн үүрэг даалгаврын биелэлтийг ЗДТГ-ын Хяналт шинжилгээ, үнэлгээ, дотоод аудитын хэлтсийн дарга М.Жанболат танилцуулав. Засаг дарга С.Батжаргал өнгөрсөн долоо хоногт Гурван замын постыг шилжүүлэх, хаана байршуулах чиглэлээр мэргэжлийн байгууллагуудын төлөөллийг оруулсан ажлын хэсэг байгуулан газар дээр нь ажиллах үүрэг даалгаврыг өгсөн.
Аймгийн ГХБХБГ, МХГ, ЗЦТ, Зам тээврийн хөгжлийн төв, Авто тээврийн төвийн хамтарсан ажлын хэсэг Гурван замын пост дээр үзлэгийг өнгөрсөн долоо хоногт хийжээ.
Үзлэгээр Гурван замын постыг Жаргалант сумын Цагдаагийн посттой нэгтгэх боломжийг судлан ГХБХБГ-т байршлын схем боловсруулах ажлыг гүйцэтгэж байна.
Мэдээллийн төв
