Таван настай 2317 хүүхдийг харьяалал харгалзахгүйгээр СӨБ-д 100 хувь бүртгэлээ
Засаг даргын зөвлөлийн 16 дахь удаагийн хурал хуралдаж, 2022-2023 оны хичээлийн жилийн бэлтгэл ажлын талаарх мэдээллийг сонсч, хэлэлцлээ. Цэцэрлэгт хамрагдах хүүхдийн бүртгэл 19,20-ний өдрүүдэд хамран сурах тойргийн цэцэрлэгүүд дээр явагдсан. БСШУЯ-наас 5 настай хүүхдийг харьяалал харгалзахгүйгээр 100 хувь СӨБ-д хамруулах тухай шийдвэр гарсан.
Үүнтэй уялдуулан аймгийн зэргэлдээх сумд болон Малчин багийн хүүхдүүдийг тойрогт нь байгаа цэцэрлэгүүд шууд бүртгэсэн. Мөн эцэг эх асран хамгаалагчийнх нь ажилладаг газартай ойролцоо цэцэрлэг болон нэмж хүүхэд бүртгэх боломжтой цэцэрлэгүүдэд хамран сурах тойрог харгалзахгүйгээр 2017 оны таван настай 2317 хүүхдийг бүртгэлээ.
2021-2022 оны хичээлийн жилд СӨБ-д хамрагдсан 2018 оны 6 настай 2232 хүүхэд Ерөнхий боловсролын сургуульд энэ намар элсэн орж байна.
Мэдээллийн төв
