ТӨРИЙН АЛБАНЫ ЕРӨНХИЙ ШАЛГАЛТ ОРОН ДАЯАР ИЛ ТОД, ОЛОН НИЙТЭД НЭЭЛТТЭЙГЭЭР МЭРГЭЖЛИЙН БАЙГУУЛЛАГУУДЫН ХЯНАЛТ ДОР ЭХЭЛНЭ
Төрийн албаны зөвлөл нь Төрийн албаны тухай хуулийн шинэчилсэн найруулга, төрийн албаны шинэтгэлийн хүрээнд төрийн албаны Ерөнхий болон тусгай шалгалтын бүх процессыг бүрэн цахим хэлбэрт шилжүүлж, хөндлөнгийн нөлөөлөл, хүний оролцоогүй, олон нийт, мэргэжлийн байгууллагуудын хяналттайгаар ил тод нээлттэй зохион байгуулж ирсэн билээ.
.jpg)
Иргэдийн шалгалтад тэнцэх эсэх нь зөвхөн тухайн хүний мэдлэг чадвар, хичээл зүтгэлээс шууд хамаарах бөгөөд шалгалт өгөх болзол, шаардлагыг хангасан хэн боловч гарааны ижил нөхцөлөөс тэгш эрхтэйгээр оролцох бүрэн боломжтой юм.
Энэ удаагийн төрийн албаны нөөц бүрдүүлэх эхний шалгалт 2021 оны 4 дүгээр сарын 1-ний өдрөөс орон даяар нэгэн зэрэг ил тод, олон нийтэд нээлттэйгээр мэргэжлийн байгууллагуудын хяналт дор зохион байгуулагдах бөгөөд иргэд, олон нийт, иргэний нийгмийн байгууллага, хэвлэл мэдээллийн байгууллагын төлөөллүүдийг шалгалтын үйл ажиллагаа болоод шалгалтад оролцогчдод саад учруулахгүй байхаар өөрсдийн оролцоог хангаж, хяналт тавьж хамтран ажиллахыг САНАЛ болгож байна.
