2024 оны 03-р сарын 29

“Эрдэнэт хотын гамшигт тэсвэртэй байдал” төсөл

 

“Эрдэнэт хотын гамшигт тэсвэртэй байдал” төсөл

Төслийн танилцуулга

Эрдэнэт хотын үерийн хамгаалалтын дэд бүтцийг шинэчлэх, өргөтгөх мөн цэвэр усны сүлжээг сайжруулах төслийг  Орхон аймаг боловсруулаад байна. Эрдэнэт хот нь үер усны аюулд өртөмтгий, ойролцоогоор хотын айл өрхийн 44% нь хотын шугаман хоолойн ус хангамжийн үйлчилгээнд хамрагддаг, үйлчилгээ үзүүлж буй усны сүлжээ нь үр ашиггүй, усны алдагдалтай ажилладаг. Төсөл нь хотын гамшигт тэсвэртэй байдлыг дээшлүүлэх мөн цэвэр усны сүлжээний алдагдлыг бууруулах замаар  ундны усны хүртээмжийг сайжруулах болно.

Төслийн барилгын ажил 2021 оны хавар эхлэх хуваарьтай байна. Төслийн талбайн байршлыг доорх зурагт харуулсан болно.

Байгаль орчин, нийгмийн харилцааны тойм

Төсөл хэрэгжснээр одоогийн системийн усны алдагдлыг бууруулж, дийлэнх ус түгээх төвд болон хотын усны сүлжээнд нийлүүлж буй ундны усны найдвартай байдал, чанарыг дотоодын болон Европын Холбооны шаардлагад нийцүүлэн сайжруулах болно. Түүнчлэн үер усны аюул 40-50 хувь буурах  бөгөөд  ойролцоогоор 11,000 оршин суугч найдвартай аюулгүй ундны усны сүлжээнд холбогдох болно. Төслийн хүрээнд хийгдэх ажлын үр дүнд системийн усны алдагдал 15 хувиар буурах боломжтой.

Барилгын ажил нь хот суурин газар явагдах бөгөөд үерийн усны хадгалах цэгүүдийн байрлалд аливаа нүүлгэн шилжүүлэлт, аль эсвэл төслийг хэрэгжүүлэх үйл ажиллагааны нөлөөлөлд өртөх улсын болон орон нутгийн хамгаалалттай бүс,  оршин суугчид байхгүй болно. Төсөлд шаардлагатай газар нутаг нь орон нутгийн өмчит газар бөгөөд суурьшлын бүс биш, одоо буй дэд бүтцийн харалдаа учир эдийн засгийн нүүлгэн шилжүүлэх хөдөлгөөний хувьд хязгаарлагдмал. Барилгын ажилтай холбоотой тоног төхөөрөмжийн дуу чимээ, богино хугацааны хөдөлгөөний ачаалалтай холбоотой агаарын бохирдлын түвшний нэмэгдэл, болзошгүй түр хугацааны гарц орцны хязгаарлалт болон хөдөлмөрийн аюулгүй байдал, эрүүл мэндийн талаарх байгаль орчин, нийгмийн нөлөөллийг барилгын ажлын сайн  туршлагаар бууруулах болно.

Төслийн хэрэгжилт болон үйл ажиллагааг хэд хэдэн байгууллага хариуцах бөгөөд үүнд Хот байгуулалт барилга захиалагчийн алба ОНӨҮГ нь барилгын ажлыг, Эрдэнэт ус, дулаан түгээх сүлжээ ОНӨХК нь цэвэр усны шугам сүлжээний үйл ажиллагаа болон засвар арчилгааг, Хот тохижуулах газар үерийн хамгаалалтын системийн үйл ажиллагаа болон засвар арчилгааг хариуцна.

Төсөл хэрэгжүүлэх багийг байгуулах бөгөөд тус багийн бүрэлдэхүүнд байгаль орчин, нийгмийн нөөцийн мэргэжилтэн ажиллах ба цаашид байгаль орчин, нийгмийн менежментийн төлөвлөгөө, олон нийтийн болон ажиллах боловсон хүчний гомдлын механизм зэргийг багтаасан Байгаль орчин, нийгмийн менежментийн системийг боловсруулах болно.  

Нэмэлт мэдээлэл авахыг хүсвэл:

 

С.Нансалмаа

nansalmaass@yahoo.com

+976 70359168

Нутгийн удирдлагын ордон, Амарын талбай

Хүрэнбулаг баг, Баян-Өндөр сум,

Орхонаймаг, Монгол Улс

 

ЕСБХБ-ны мэдээлэл авах холбоос

[Нийтэлсэн огноо: [...]

 [Татах холбоос линк NTS ]

 

[Татах холбоос линк  SEP]

 

 

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 54.211.203.45
  • 1 Онлайн
  • 343 Өнөөдөр
  • 539 Өчигдөр
  • 2262 Долоо хоногт
  • 19553 Сүүлийн сард
  • 6914321 Нийт хандалт