50 жилийн ойн хүрээнд соёл урлагийн 18 үйл ажиллагаа зохион байгуулна

"Эрин зууны бахархал Эрдэнэт" хотын 50 жилийн ойн хүрээнд жилийн турш зохион байгуулах соёл урлагийн арга хэмжээний төлөвлөгөөг танилцуулж байна. 50 жилийн ойн хүрээнд улсын болон олон улсын чанартай 18 урлаг соёлын үйл ажиллагааг орон нутагтаа зохион байгуулна.

Тухайлбал, энэ сарын 25-29-ний өдрүүдэд “Хаврын баяр” спорт бүжгийн 31 дэх удаагийн уралдааныг анх удаа улсын хэмжээнд зохион байгуулахаар бэлтгэл хангаж байна.

Энэхүү уралдааныг спорт, бүжгийн урлагийг хөгжүүлэх, түгээн дэлгэрүүлэх зорилгоор бүх насныхныг хамруулан орон нутагтаа уламжлал болгон зохион байгуулж ирсэн билээ. Эрдэнэт хотын 50 жилийн ойн хүрээнд улсын хэмжээнд зохион байгуулснаар бүжгийн урлаг сонирхогчид, мэргэжлийн уран бүтээлчдийг нэг дор орон нутагтаа цуглуулж, харилцан туршлага солилцох ач холбогдолтой гэж үзэж буй.

Мөн Морин хуурчдын олон улсын наймдугаар уралдаан, Хүүхдийн найрал дууны улсын уралдаан, Гавьяат багш С. Батболдын нэрэмжит Хойд бүсийн хүүхдийн дууны уралдаан гэх мэт томоохон урлаг, соёлын үйл ажиллагааг орон нутагтаа зохион байгуулна.

Жилийн хугацаанд зохион байгуулах үйл ажиллагааны мэдээллийг хүргэе.

“Wanderlust" олон улсын театрын фестиваль /дөрөвдүгээр сарын 13-25/
"Хаврын баяр 31 дэх спорт бүжгийн уралдаан /дөрөвдүгээр сарын 25-29/
Зураачдын хамтарсан пленэр гаргах /тавдугаар сарын 02-12/
Эрдэнэт 50 жил" фото зураг, уран зураг, маркийн үзэсгэлэн /долоодугаар сарын 21-26/
Эрдэнэсийн нууц” багт хүүхдийн жүжгийн нээлтийн тоглолт /есдүгээр сарын 8/
Морин хуурчдын олон улсын VIII дугаар уралдаан /есдүгээр сарын 25-27/
Хүүхдийн найрал дууны улсын уралдаан /аравдугаар сарын 01-18/
Маргааш театрын шинэ бүтээл /дөрөвдүгээр сарын 01/
“Техникийн дэвшил" үзэсгэлэн /дөрөвдүгээр сарын 01-15/
Гавьяат багш С. Батболдын нэрэмжит хойд бүсийн аймгуудын хүүхдийн дууны уралдаан /дөрөвдүгээр сарын 10/
“Авьяаслаг Эрдэнэтчүүд” иргэдийн урлагийн наадам /тавдугаар сар/
Эх хэл аман уламжлалын “Өвийн цуурай" уралдаан /тавдугаар сарын 23/
“Үндэсний бичиг үсэг, номын баяр-2026" /тавдугаар сарын 19-20/
Монгол түмний мэнд" сар шинийн баярын нэвтрүүлэгт оролцох /нэгдүгээр сарын 30/
“Наурызын баяр"-ын арга хэмжээ /гуравдугаар сарын 14-15/
“Уран эгшиг" өсвөрийн үндэсний хөгжимчдийн IX уралдаан /гуравдугаар сарын 30-дөрөвдүгээр сарын 01/
“Оюу цом" спорт бүжгийн тэмцээн /зургаадугаар сар/
“Миний хайртай Эрдэнэт хот" эссэ бичлэгийн уралдаан /тавдугаар сарын 30-31/