Аймгийн Засаг дарга “БҮХ ХАЙРАА ГЭР БҮЛДЭЭ” төслийн хүрээнд уриалга дэвшүүллээ

Аймгийн Засаг дарга Б.Зоригтбаярын санаачилгаар хэрэгжүүлж буй "Бүх хайраа гэр бүлдээ" төсөл өнөөдөр албан ёсоор нээлтээ хийлээ. Энэ үеэр аймгийн Засаг дарга нийгмийн бүх оролцогч талуудад хандан "Бүх хайраа гэр бүлдээ" төслийн уриалга дэвшүүллээ.

Уриалгыг бүрэн эхээр нь хүргэж байна.

Өнөөдөр бид хамтдаа “Бүх хайраа гэр бүлдээ” төслийнхөө агуулгатай танилцлаа мөн гэр бүлийн төлөөллүүдтэй уулзлаа. Гэр бүл гэдэг нийгмийн анхны сургууль юм. “Бүх хайраа гэр бүлдээ” гэдэг уриа төдий биш хайраа үгээр биш үйлдлээрээ гэр бүлдээ зориулдаг байя.

Гэр бүлийн асуудал бол нэг өрхийн асуудал биш нийгмийн хамтын хариуцлага юм.

Үүний хүрээнд:

Байгууллага бүр “Гэр бүлд ээлтэй бодлого хэрэгжүүлэгч”
Баг бүр “Хүүхэд хамгааллын хамтарсан идэвхтэй баг”
Боловсролын байгууллага бүр “Хүүхэд хамгааллын манлайлагч баг, хамт олон”
Иргэн бүр “Үл хайхрахгүй, мэдээлдэг, оролцдог” байх нь ёс суртахууны нийгмийн амлалт юм.

Гэр бүлд ээлтэй бодлого нэг салбарын ажил биш байгууллага бүр дотооддоо, хамт олон бүр гэр бүлдээ чиглэсэн эерэг орчинг бий болгоё. өнөөдрөөс эхлэн бид хамтдаа гэр бүлийн үнэ цэнийг бэхжүүлэх, эцэг эхийн оролцоог нэмэгдүүлэх, хүүхдийн хөгжлийг дэмжих чиглэлээр

Төрийн байгууллага
Аж ахуйн нэгж байгууллага
Салбар дундын оролцоотой хамтарсан баг
Боловсролын салбарын хүүхэд хамгааллын баг
Иргэд
Сайн дурын байгууллага
Иргэний нийгмийн байгууллага гэх мэт байгууллагууд нэр төртэй, чиг үүрэгтэй, хариуцлагатайгаар ажиллана уу хэмээн уриалж байна. Төслийн хүрээнд удирдамж баталж, шалгаруулалт зарлаж тус бүр 20.0 сая төгрөгийн шагналын сантай.

1.   Шилдэг хамтарсан баг
2.   Гэр бүлд ээлтэй байгууллага
3.   Боловсролын байгууллагын шилдэг хүүхэд хамгааллын баг
4.   Оюунлаг гэр бүл
5.   Бүтээлч, хөдөлмөрч гэр бүл
жил бүр шалгаруулж урамшуулна. Энэ урамшуулал нь сайн ажилласанд биш бодит өөрчлөлт хийсэн, кейс шийдсэн, оролцсон хүмүүст нэр хүнд, олон нийт хүлээн зөвшөөрсөн шагнал байх болно. БҮХ ХАЙРАА ГЭР БҮЛДЭЭ гэдэг нь зөвхөн уриа биш, энэ бол:
•   Үл хайхрахгүй байх шийдвэр
•   Тусламж гуйх зориг
•   Хариуцлагаа хуваах амлалт юм.
Орхон аймаг ГЭР БҮЛЭЭ ХАМГААЛДАГ, ХҮҮХДЭЭ НЭГДҮГЭЭРТ ТАВЬДАГ АЙМАГ болохын төлөө хамтдаа хичээцгээе.

Мэдээллийн төв