Чандманийн уулзварт инженерийн шугам сүлжээний хонгилын анхны системийг нэвтрүүлэв
Энэ оны орон нутгийн төсвийн хөрөнгө оруулалт, бүтээн байгуулалтын томоохон ажлын нэг нь Эрх чөлөөний гудамж буюу Чандмань төвийн уулзвар байв. Тус хэсэгт улс, орон нутаг, гаднын төсөл хөтөлбөрийн санхүүжилтээр 4 хөрөнгө оруулалтын ажил хийгдсэн.
Авто замаа өргөтгөж, шинэчиллээ
Орон нутгийн төсвийн хөрөнгө оруулалтаар 320м урттай, 2-5 эгнээ зорчих хэсэгтэй, гэрэл дохиотой уулзвар болон шинэчлэгдэж, үр дүнд хөдөлгөөн нэвтрүүлэлт 50 хувиар нэмэгдлээ. Гүйцэтгэгчээр "Энх-Алтаргана" ХХК ажиллав.
Дулааны шугамаа өргөтгөв
Улсын төсвийн хөрөнгө оруулалтаар 152м урттай 400-ын шугамыг 500мм болгон өргөтгөж, жилээс жилд өсөн нэмэгдэж байгаа дулааны найдвартай байдлыг бий болголоо. Гүйцэтгэгчээр “Талст билэг” ХХК ажиллав. Газар доогуурх инженерийн шугам сүлжээгээ тунелин буюу хонгилын системд оруулснаараа онцлогтой. Үр дүнд ирээдүйд зам аа ухаж хөндөхгүйгээр шугамд засвар, үйлчилгээ хийх боломж бүрдсэн.
Цэвэр усны шугам шинэчлэв
Европын сэргээн босголт, хөгжлийн банкны санхүүжилтээр 108м цэвэр усны шугамыг шинэчлэлээ. Гүйцэтгэгчээр “Престиж инженеринг” ХХК ажиллалаа. Урт цагаан доогуур байрлах цэвэр усны шугам шинэчлэв.
Урт цагаан доогуур байрлах цэвэр усны шугам шинэчлэв
Орон нутгийн хөгжлийн сангийн санхүүжилтээр 1976-1980 онд ашиглалтад орсон Уртцагааны гудамж доогуур байрлах 560 метр урт, 2 хос цэвэр усны шугамыг шинэчиллээ. Үр дүнд Эрдэнэт хотын 4, 5, 7, 7А, 11-р хороолол, Залуус, Гок гарден, Төгөл гарден, Тамирын 3 чулуу зэрэг хорооллын 6,788 айл өрх, 502 аж ахуйн нэгж, байгууллагын цэвэр усан хангамж найдвартай боллоо.
Мэдээллийн төв
