УРЬДЧИЛАН СЭРГИЙЛЭХ ТӨЛӨВЛӨГӨӨТ БУС ХЯНАЛТ ШАЛГАЛТЫГ ЭХЛҮҮЛЭЭ.

Монгол Улсын Шадар сайдын 2025 оны 01 дүгээр сарын 29-ний өдрийн “Хяналт шалгалт хийх тухай” 13 дугаар тушаалаар баталсан удирдамж, төлөвлөгөө, Стандарт, хэмжил зүйн газрын даргын 2025 оны 02 дугаар сарын 10-ны өдрийн А/32 дугаар тушаалын дагуу Орхон аймагт мах махан бүтээгдэхүүний бөөний болон жижиглэнгийн худалдаа, импортын жимс, хүнсний ногооны чанар, аюулгүй байдал, үнэт эдлэлийн худалдаа үйлчилгээнд сорьцын хяналт, сургууль цэцэрлэгийн хоол үйлдвэрлэл, үйлчилгээний чанар, эрүүл ахуй гэсэн 3 үндсэн чиглэлээр урьдчилан сэргийлэх төлөвлөгөөт бус хамтарсан үзлэг, шалгалт хийх юм. Хяналт, шалгалтыг 2025 оны 02 дугаар сарын 13-ны өдрөөс үнэт эдлэлийн худалдаа эрхлэгчдийн бүтээгдэхүүний сорьцын хяналтаар эхлүүллээ.

Урьдчилан сэргийлэх хяналт 2025 оны 02-р сарын 21-ний өдөр хүртэл үргэлжлэх бөгөөд холбогдох хууль тогтоомж, дүрэм, журам, стандартын хэрэгжилт, иргэдийн хүнсний хэрэгцээнд нийлүүлж байгаа мах, махан бүтээгдэхүүн, жимс хүнсний ногооны чанар, аюулгүй байдлыг шалгах юм.