1283 сурагч элсэлтийн ерөнхий шалгалт өгнө
Элсэлтийн ерөнхий шалгалт ирэх долоодугаар сарын 4-7-ны өдрүүдэд болохтой холбоотой бэлтгэл хангаж байна. Энэ жил манай аймагт 1283 сурагч элсэлтийн ерөнхий шалгалт өгөхөөр бүртгүүлжээ. Үүнээс 146 нь өмнө оны төгсөгч байгаа бол 1137 суралцагч энэ оны 12 дугаар ангийн төгсөгч байна.
Аймгийн хэмжээнд 90 суралцагч гадаад суралцах, хөдөө гарах, ажил хийх, дараа жил ЭЕШ өгөх шалтгаанаар шалгалтад хамрагдахгүй гэж өргөдлөө өгсөн хэмээн БШУ-ны газрын дарга О.Ариунгэрэлт мэдээллээ.
Боловсролын үнэлгээний төв, “АМАР САН,”МЕХСИМ-КОНСАЛТИНГ” –тай хамтран 12 дугаар ангийн ЭЕГ өгөх суралцагчдаас 3 удаагийн цахим сорилыг зохион байгуулж байна. Сорил нэгийг өнгөрсөн сарын 6-8-нд, сорил хоёрыг 27-29-ний өдрүүдэд зохион байгуулсан бол сорил гуравыг энэ сарын 17-21-ний өдрүүдэд IV дүгээр сургууль дээр танхимын хэлбэрээр зохион байгуулна.
Сорилын үр дүнг суралцагч, багш, судлагдахуун, сургуулиар гаргаж ерөнхий боловсролын сургуулийн захирал, сургалтын менежер, судлагдахууны багш нарт суралцагчийн гаргаж буй алдаатай агуулга, алдааг хэрхэн багасгах, хэрхэн ажилттай бэлтгэх талаар чиглэл, зөвлөмж гаргаж сургалт зохион байгуулжээ.
Гурав дахь удаагийн сорилыг танхимын хэлбэрээр зохион байгуулж буй нь сурагчдыг шалгалт авах анги танхим суудлын хуваарилалтай нь танилцуулах, шалгалтын цаасыг зөв бөглүүлэх мөн техникийн алдаа гаргахгүй байхад урьдчилан анхаарах зэрэг ач холбогдолтой юм.
Мэдээллийн төв
