2024 оны 04-р сарын 16

Цагаан тоосны дэгдэлт, сөрөг нөлөөллийг бууруулах хөтөлбөрийг баталлаа

          Аймгийн Иргэдийн Төлөөлөгчдийн Хурлын ээлжит 18-р хуралдаанаар Цагаан тоосны дэгдэлт, сөрөг нөлөөллийг бууруулах хөтөлбөрийг хэлэлцэн баталлаа. 
"Эрдэнэт үйлдвэр"-ТӨҮГ-ын хаягдлын санд хуримтлагдсан технологийн хаягдал булингаас үүсэлтэй цагаан тоосны дэгдэлт, тухайн бүсийн экологид учруулах нөлөөллийг бууруулах, хүн амын эрүүл мэндэд үзүүлэх нөлөөллийг үнэлэх нь тус хөтөлбөрийн зорилго юм. 
          Нийт 5 зорилтын хүрээнд 18 үйл ажиллагааг тусгасан тус хөтөлбөрийг хоёр үе шаттайгаар 2031 он хүртэл  хугацаанд хэрэгжүүлнэ. Хөтөлбөрийн эхний үе шат 2024-2027 он хүртэл хугацаанд, хоёр дахь үе шат 2028-2031 он хүртэл хугацаанд үргэлжлэх ажээ. 
Хөтөлбөр хэрэгжсэний үр дүнд: 
-    Цагаан тоосноос байгаль экологид хүн амын эрүүл мэнд, газар тариаланд үзүүлэх нөлөөллийг тодорхойлох зорилгоор эхлүүлсэн хуримтлагдах нөлөөллийн үнэлгээ, эрүүл мэндийн үнэлгээнүүдийн ажил дуусаж цагаан тоосны нөлөөлөл нь тодорхойлогдоно.
-    “Эрдэнэт үйлдвэр” ТӨҮГ-ын Баяжуулах үйлдвэрт хаягдал өтгөрүүлэх технологи нэвтрүүлснээр Хаягдлын аж ахуйгаас үүсэх тоосны дэгдэлт буурна. 
-    Шинэ Хаягдлын аж ахуйн суурь судалгаа, Техник Эдийн Засгийн Үндэслэл хийгдэж, ашиглалтад оруулна. 
-    Хангал гол, Хаягдлын сангийн эргэн тойрон ногоон зурвас бий болно хэмээн үзжээ. 

        Цагаан тоосны дэгдэлт, сөрөг нөлөөллийг бууруулах  хөтөлбөрийг “Эрдэнэт Үйлдвэр” ТӨҮГ нь аймаг, сумдын ЗДТГазар, бусад мэргэжлийн байгууллагуудтай хамтран хэрэгжүүлэх бөгөөд шаардагдах хөрөнгийг “Эрдэнэт үйлдвэр” ТӨҮГ санхүүжүүлэхээр тусгажээ. 
“Эрдэнэт үйлдвэр” ТӨҮГ-ын Хаягдлын аж ахуйгаас дэгдэх цагаан тоосны дэгдэлт, сөрөг нөлөөллийг бууруулах чиглэлээр 2006 оноос хойш 2 удаа хөтөлбөр боловсруулж, хэрэгжүүлж байсан юм. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 44.197.231.211
  • 7 Онлайн
  • 146 Өнөөдөр
  • 519 Өчигдөр
  • 665 Долоо хоногт
  • 14326 Сүүлийн сард
  • 6929538 Нийт хандалт