Төсөвт байгууллагын нягтлан бодогч нар сургалтад хамрагдлаа
Жил бүрийн арванхоёрдугаар сарын 4-нд санхүүч, нягтлан бодогчдын баярын өдөр тохиодог. Энэ өдрийг угтан аймгийн ЗДТГ, “Эрдэнэт үйлдвэр” ТӨХК, Монголын мэргэшсэн нягтлан бодогчдын институтын Орхон аймаг дахь салбар хамтран “Бүртгэл, санхүү, эдийн засгийн мэргэжил сурталчлах 14 хоногийн аян”-ыг эхлүүлсэн.
Аяны хүрээнд иргэд олон нийтэд санхүүгийн боловсрол олгох, нягтлан бодогч нарт сургалт хийх гэхчлэн есөн арга хэмжээг зохион байгуулахаар төлөвлөжээ. Өнөөдөр төсөвт байгууллагын 60 гаруй нягтлан бодогч нсанхүүгийн тайлагналыг сайжруулахад чиглэсэн “Улсын секторын нягтлан бодох бүртгэлийн олон улсын стандарт” сэдэвт сургалтад хамрагдлаа. Сургалтыг Сангийн яамны Нягтлан бодох бүртгэлийн бодлогын газрын ахлах мэргэжилтэн Д.Даариймаа удирдан явуулав.
Мэдээллийн төв
