Багш, сурагчдыг мөнгөн шагналаар шагнаж, урамшуулав
Элсэлтийн ерөнхий шалгалт болон улсын төрөлжсөн олимпиадад амжилт гаргасан сурагчид, тэднийг бэлтгэсэн багш нарыг шагнаж урамшуулах арга хэмжээ өнөөдөр А.Амарын танхимд боллоо.
Энэ хичээлийн жилд төрийн ба төрийн бус өмчийн 22 сургуулийн 45 бүлгийн 1175 сурагч 12-р анги төгссөн. Элсэлтийн ерөнхий шалгалтад нийт 1220 сурагч 10 хичээлээр шалгалт өгсөн бөгөөд манай аймаг 800 оноо авсан сурагчийн тоогоор улсдаа тэргүүлээд байгаа юм. Тодруулбал: Орос хэл , Химийн хичээлээр 1- р байр, Англи хэлний хичээлээр 2 байр, Газарзүйн хичээлээр 4-р байрт эрэмбэлэгдэж, 10 судлагдахуунаар нийт 12 сурагч хамгийн өндөр оноо буюу 800 оноог авсан бахдам сайхан ажилтыг гаргажээ.
Түүнчлэн энэ хичээлийн жилд манай аймгаас 25 хүүхэд математик, англи хэлний хичээлээр олон улсын шалгалтад авсан оноог дүйцүүлж, гадаад, дотоодын их дээд сургуульд элсэх болзол хангасан байна.
Мөн аймгийн Засаг даргын 2020-2024 оны үйл ажиллагааны хөтөлбөрт тусгагдсаны дагуу улсын төрөлжсөн олимпиад, уралдаан тэмцээнд амжилт гаргасан багш, сурагчдыг урамшуулах ажлыг тогтмол зохион байгуулдаг уламжлалтай. Энэ онд зохион байгуулагдсан улсын төрөлжсөн олимпиадад аймгаа төлөөлөн оролцсон багш сурагчид маань нийт 9 медаль хүртсэн сайхан амжилтыг үзүүлжээ. Эдгээр багш сурагчдад мөн журмын дагуу мөнгөн урамшуулал олголоо.
Мэдээллийн төв
