2023 оны 02-р сарын 08

Аймгийн Онцгой комисс өвөлжилтийн нөхцөл байдлын талаар хуралдлаа 

Энэ сарын 12-нд аймгийн Онцгой комисс хуралдаж 2022-2023 оны мал аж ахуйн өвөлжилтийн цаг үеийн нөхцөл байдлын талаар хэлэлцсэн. 
Аймгийн хэмжээнд 2022 оны жилийн эцсийн мал тооллогоор 1350 малчин, мал бүхий өрхийн 169.9 мянган толгой мал тоологдож өмнөх оноос 9.9 хувиар өссөн. Өмнөх оноос Баян-Өндөр сумын малын тоо 18.3 хувиар, Жаргалант сумынх 1.9 хувиар өссөн үзүүлэлттэй тоологдлоо. Өнөөдрийн байдлаар Орхон аймгийн хэмжээнд өвөлжилт хүндрээгүй, нөхцөл байдал хэвийн байна. Малчдын төвшинд 9000 тонн өвс бэлтгэсэн.  
      Ус цаг уур, орчны судалгаа мэдээллийн төвөөс гаргасан мэдээллээр Орхон аймгийн нийт нутгаар цас удаа дараа орж, зузаан нь нэмэгдэн 11-р сарын сүүлчээр эрс хүйтэрсэн. 12 дугаар сарын 01-ний байдлаар гаргасан зудын эрсдэлийн зургаас үзвэл нийт нутгийн 60.3 хувь нэн их, 35.4 хувь их,  4.4 хувьд нь дунд зэрэг эрсдэлтэй  байна.
Баян-Өндөр суманд арванхоёрдугаар  сард 12 өдөр цас орсон ба тундасны хэмжээ нь 4.7 мм олон жилийн дунджийн орчим,Жаргалант суманд  арванхоёрдугаар сард 9 удаа цас орж тунадасны хэмжээ нь 2.4 мм олон жилийн дунджаас бага тунадас орсон. 

     Арваннхоёрдугаар сарын 20-ны байдлаар нийт нутгаар хээрийн хэмжилтийн дүнгээр цасан бүрхүүлийн дундаж зузаан 10-12 см, нягт  0,20-0,22 г/см3 байв. 1 дүгээр сарын 11-нд 0.9 мм тунадас орсон нь цасны зузаан 1 см-ээр нэмэгдсэн байна. УЦУОШТөвөөс цасанд хэмжилт хийхэд аймгийн хэмжээнд цас эрт орж, хүйтэрсэн зэрэг нь зудын эрсдэлийг нэмэгдүүлж байна.
2021 онд өвөлжилт, хаваржилт  хэвийн хүндрээгүй тул Засгийн газрын 221 дүгээр тогтоолоор бэлтгэсэн аймаг, сумдын өвс, тэжээлийн аюулгүйн нөөцийг зарцуулаагүй. Тиймээс сүүлийн 2 жилд аймаг, сумдын аюулгүйн нөөцөд бэлтгэсэн өвс, тэжээлийг малчин, мал бүхий өрхөд үнэгүй олгох асуудлыг хэлэлцэж шийдвэрлэлээ. 

Мэдээллийн төв 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.239.119.61
  • 5 Онлайн
  • 1215 Өнөөдөр
  • 770 Өчигдөр
  • 1985 Долоо хоногт
  • 3049 Сүүлийн сард
  • 6704262 Нийт хандалт