Согтуугаар тээврийн хэрэгсэл жолоодох зөрчил нэмэгджээ
Цагдаагийн газрын мэдээгээр 712 хэрэгт 484 хүн холбогдон шалгагдаж, хэргийн илрүүлэлт 51.4 хувьтай байна. Өмнөх оны мөн үеэс гэмт хэрэгт холбогдогч 51.7 хувиар, бүртгэгдсэн хэрэг 75.4 хувиар, 18 ба түүнээс дээш насны 10000 хүнд ногдох гэмт хэрэг 44.3 продицимилээр нэмэгдэж, хэргийн илрүүлэлт 2.5 нэгж хувиар их байна. Гэмт хэргийн улмаас иргэн, аж ахуйн нэгжид 1.8 тэрбум төгрөгийн хохирол учирч, 18 хүн нас барж, 241 хүн гэмтсэн ба нийт хохирлын 57.7 хувийг нь нөхөн төлүүлжээ.
Гэмт хэрэгт холбогдсон 484 хүний 56.4 хувь нь эрхэлсэн тодорхой ажилгүй, 45.7 хувь нь согтуугаар, 16.1 хувь нь бүлэглэн гэмт хэрэг үйлдсэн ба 9.1 хувь нь 18 хүртэлх насны хүүхэд байна. Мөн согтуугаар тээврийн хэрэгсэл жолоодон замын хөдөлгөөнд оролцож байсан 1666 жолоочийг илрүүлж, зөрчил гаргасан 1379 жолоочийн эрхийг тодорхой хугацаагаар хасжээ. Өмнөх оны мөн үеэс согтуугаар тээврийн хэрэгсэл жолоодон замын хөдөлгөөнд оролцсон жолоочийн тоо 23.5 хувиар, эрх хасалт 27.8 хувиар нэмэгдсэн гэж Статистикийн хэлтсээс мэдээллээ.
Мэдээллийн төв
