“Удирдах бүрэлдэхүүний гамшгаас хамгаалах менежмент”сургалт явагдаж байна
Орхон аймагт зохион байгуулагдаж байгаа Гамшгийн үеийн иж бүрэн сургалтын хоёр дахь хэсэг өнөөдөр “Удирдах бүрэлдэхүүний гамшгаас хамгаалах менежмент” академик сургалтаар эхэллээ.
Сургалтын үйл ажиллагааг ОБЕГ-ын дэд дарга, бригадын генерал Б.Ууганбаяр, аймгийн Засаг дарга С.Батжаргал нар нээж үг хэллээ.
Сургалтад аймгийн Онцгой комисс, орон нутгийн гамшгаас хамгаалах алба, мэргэжлийн анги, төрийн болон төрийн бус байгууллага, аж ахуйн нэгж байгууллагуудын удирдлагууд оролцох юм.
Сургалтаар ажиллагааны удирдлага, ослын үеийн удирдлагын тогтолцоо, гамшгийн голомтод холбоо зохион байгуулах аргазүй, газар хөдлөлтийн тухай ойлголт, нөхцөл байдлын үнэлгээ, ослын хариу арга хэмжээний төлөвлөлт, ослын үеийн олон нийттэй харилцах тактик, ажиллагааны хэсгийн үйл ажиллагаа, захиргаа, санхүү, ар тал хангалтын хэсгийн үйл ажиллагаа сэдвүүдийн хүрээнд мэдээлэл өгөгдөнө.
Удирдах бүрэлдэхүүн өнөөдөр олж авсан иж бүрэн сургуулийн үйл ажиллагаатай холбоотой мэдээлэл дээрээ тулгуурлан маргааш /10.6/ -аас эхлэн хоёр өдрийн турш зохиомол цагийн байдал үүссэн практик үйл ажиллагаан дээр ажиллах юм.
Мэдээллийн төв
