Баяр наадмын нийтийн хоол, худалдаа, үйлчилгээ, сугалааны бүртгэлийг энэ сарын 28-нд буюу маргааш цахимаар зохион байгуулна
Баяр наадмын нийтийн хоол, худалдаа, үйлчилгээ, сугалааны бүртгэлийг энэ сарын 28-нд буюу маргааш цахимаар зохион байгуулна.
Нийтийн хоол, худалдаа, үйлчилгээ эрхлэгчид www.erdenet.mn албан ёсны цахим хуудсанд нэвтэрч вэбсайт хэсэгт дарахад...
- Баяр наадмын үеэр ажиллах нийтийн хоол үйлдвэрлэл эрхлэгчдийн цахим бүртгэл,
- Баяр наадмын үeэр ажиллах худалдаа, үйлчилгээ, сугалаа эрхлэгчдийн цахим бүртгэл" гэсэн хоёр цэснээс ажиллах чиглэлээ сонгоод асуумжийг үнэн зөв бөглөж, скайнeрдаж бэлдсэн бүрдүүлэх бичиг баримтыг хавсаргана.
БҮРДҮҮЛЭХ МАТЕРИАЛ:
Нийтийн хоолны чиглэлээр
- Нийтийн хоол үйлдвэрлэлийн чиглэлээр үйл ажиллагаа явуулдаг аж ахуйн нэгжийн хүсэлт, холбогдох утасны дугаар
- Аж ахуйн нэгжийн гэрчилгээний хуулбар
- Тогоочийн мэргэжлийн үнэмлэхийн хуулбар
- Тогооч, ажилчдын эрүүл мэндийн цэнхэр дэвтэр баталгаажсан байх
- Мэргэжлийн хяналтын газрын Хүнсний мэдээллийн санд бүртгэгдсэн бүртгэлийн хуудас
Жич: Баяр наадмын үеэр нийтийн хоолны чиглэлээр /хуушуур, шорлог / үйл ажиллагааг зөвхөнн Мэргэжлийн Хяналтын Газрын Хүнсний мэдээллийн санд бүртгэлтэй, байнгын үйл ажиллагаа явуулдаг, хоолны дээжний шинжилгээнд тогтмол хамрагддаг ААН байна. Иргэнд зөвшөөрөл олгохгүй.
Худалдаа, үйлчилгээ, сугалааны чиглэлээр
- Аж ахуйн нэгж, иргэний хүсэлт, утасны дугаар
- ААН-ийн гэрчилгээний хуулбар, иргэн бол иргэний үнэмлэхийн хуулбар
- Эрүүл мэндийн шинжилгээний, дэвтрийн хуулбар /Зөвхөн хүнсний худалдаа эрхлэгчид/
Хөдөлгөөнт болон хийлдэг тоглоом, фото зургийн үйлчилгээ эрхлэгчид хүсэлтээ Баян-Өндөр сумын ЗДТГ-ын 208 тоот, худалдаа үйлчилгээ хариуцсан мэргэжилтэнд гаргана. /Цахимаар бүртгэхгүй/.
Цахим бүртгэл энэ сарын 28-ны 08:00 цагт нээгдэж, 18:00 цагт хаагдана.
АНХААРУУЛГА:
Материал дутуу бол бүртгэлд орж, баталгаажихгүй. Нэг аж ахуйн нэгж, үйлчилгээний газарт нэг зөвшөөрөл олгоно.
Орхон аймгийн Баяр наадмын комиссын ХУДАЛДАА, ТЭЭВЭР, ҮЙЛЧИЛГЭЭ ХАРИУЦСАН ДЭД КОМИСС
Мэдээллийн төв
