2022 оны 09-р сарын 28

О.Ариунгэрэлт:Томуугийн халдвар буурсан учир ирэх даваа гаригаас цэцэрлэгүүдийн үйл ажиллагааг эхлүүлнэ

Томуу, томуу төст өвчний тархалт ихэссэнтэй холбоотойгоор энэ сарын 13-нд  аймгийн Онцгой  комисс хуралдаж  улсын болоод хувийн хэвшлийн  цэцэрлэгийн үйл ажиллагааг 14 хоногийн хугацаатай  зогсоох шийдвэрийг гаргасан.  Эрүүл мэндийн газраас ирсэн мэдээлэл дээр үндэслэн энэ сарын 28 буюу ирэх даваа гаригаас цэцэрлэгийн үйл ажиллагааг эхлүүлэхээр  бэлтгэл ажлыг хангаж эхэллээ. 

Энэ талаар аймгийн Боловсрол, шинжлэх ухааны  газрын дарга О.Ариунгэрэлтээс тодруулахад “Аймгийн Онцгой комисс тухайн үеийн нөхцөл байдалд үндэслэн цэцэрлэгийн үйл ажиллагааг 14 хоног хязгаарлах шийдвэрийг гаргасан. Шийдвэрийн хугацаа энэ долоо хоногт дуусгавар болж байна. Тухайн үед аймгийн хэмжээнд нийт өвчлөлийн 16 хувийг бага насны хүүхдүүдийн томуу, томуу төст  өвчлөл эзэлж, 50 ортой хүүхдийн эмнэлэгт 262 хүүхэд хэвтэн эмчлүүлж байсан. БОЭТ-ийн хүүхдийн эмнэлгийн ачаалал 5 дахин нэмэгдэж, 0-5 насны хүүхдийн өвчлөл 92,2 хувийг эзэлсэн.

Өнөөдөр тухайн үеийн нөхцөл байдалтай харьцуулбал эмнэлэгт  хэвтэн эмчлүүлэх, амбулаториор үйлчлүүлэх хүүхдийн тоо буурсан  үзүүлэлттэй  байна. Тиймээс  цэцэрлэгүүдийн үйл ажиллагааг эхлүүлэхээр бэлтгэл ажлаа хангаж байна. Буурсан гээд санаа амарч болохгүй. Халдвар хамгааллаас урьдчилан сэргийлэх бүхий л талын ажлыг хийх ёстой. Эрүүл мэндийн газраас ирүүлсэн дүн мэдээн дээр үндэслэн холбогдох байгууллагуудтай зөвшилцсөний үндсэн дээр дээрх шийдвэрийг гаргасан” гэлээ.

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.235.65.220
  • 1 Онлайн
  • 175 Өнөөдөр
  • 259 Өчигдөр
  • 434 Долоо хоногт
  • 8934 Сүүлийн сард
  • 6665000 Нийт хандалт