ЭРДЭНЭТ ХОТ БАЙГУУЛЛАГДСАНЫ 40 ЖИЛИЙН ОЙ, ХАНГАЙН БҮСИЙН ДАНШИГ БАЯР НААДМЫН ӨДРҮҮДЭД ХОТ ТОХИЖУУЛАХ ГАЗРААС АЖИЛЛАСАН АЖЛЫН ТАЙЛАН

Орхон аймгийн Хот тохижуулах газрын даргын 2016 оны 07 дугаар сарын 27-ны өдрийн Б-57 тоот тушаалаар томилогдсон хариуцлагатай, эргүүл жижүүрүүд 2016 оны 07 дугаар сарын 28-ны өдрөөс 2016 оны 07 дугаар сарын 31-ний өдрийг дуустал Хотын Орон сууцны хороолол болон Төв цэнгэлдэх хүрээлэн, морь барианы хог хаягдлын цэвэрлэгээ, ачиж тээвэрлэх ажлыг зохион байгуулж ажиллаа.

Хариуцлагатай эргүүл жижүүр томилон ажиллуулсан хугацаанд:

2016.07.28-ны өдрөөс 2016.07.31-ны өдрийн хооронд Хот тохижуулах газрын Зам талбайн 3 хэсгийн 115 үйлчлэгч, Тохижилтын хэсгийн 8 ажилтан /тохижуулагч/, Тээвэр аж ахуйн хэсгийн 27 ажилтан /жолооч, ачигч, зохицуулагч багш/ инженер техникийн 23 ажилтан нийт 170 ажилтан, албан хаагчид ажиллаж бичил хорооллуудын айл өрхийн 400 м3 хог хаягдлыг ачиж тээвэрлэлээ, албан газар, аж ахуйн нэгж, байгууллагуудаас 16 м3 хог хаягдал, Төв цэнгэлдэх хүрээлэнгээс 128 м3, морь барианы газраас 72 м3, нийт 616 м3 хог хаягдлыг ачиж тээвэрлэн, хог хаягдлын нэгдсэн цэгт дарж устгалаа.

2016.07.28-ний өдрөөс 2016.07.31-ний өдрийг дуустал хариуцлагатай эргүүл жижүүрийг өндөржүүлсэн бэлэн байдалд ажиллуулж нийт давхардсан тоогоор 170 ажилтан, 16 машин, механизм, 4 хүн тээвэрлэх зориулалтын автобус, нийт 20 тээврийн хэрэгсэл ажилласан байна. Мөн төв цэнгэлдэх хүрээлэнд 7 ширхэг био жорлон, морь барианы газарт 3 ширхэг био жорлон ажиллуулж, бохирыг "Эрдэнэт ус" ОНӨХК-тай хамтран зайлууллаа. Морь барианы газарт 5 ширхэг нүхэн жорлон ухаж байрлуулж наадам дууссны дараа дарж булав.

Баяр наадмын талбай дээр усны машин ажиллуулж, шороо тоос босохоос хамгаалж ус цацаж, мөн үйлчилгээ явуулж буй иргэдэд цэвэр усаар үйлчилж ажиллаа. Хотын хэмжээний хог хаягдал түр хадгалах 52 цэгээс нийт 400 м3, морь барианы газарт хөдөлгөөнт хог хаягдлын түр сав 16 ширхэг, шинээр хог хаягдал түр хадгалах цэг 3 ширхэг, төв цэнгэлдэх хүрээлэнд хөдөлгөөнт хог хаягдлын түр сав 100 ширхэг, хог хаягдал ачих зориулалтын/ компакт/ 2 авто машинд шууд хог хаягдлыг ачиж тээвэрлэн баяр наадмын өдрүүдэд хэвийн байдлыг хангаж ажиллаа.