Эрчим хүчний хэмнэлттэй ногоон амины орон сууцны жишиг төслийг танилцуулж байна
Орхон аймаг барилгын салбар тэр дундаа байгальд ээлтэй, эдийн засагт хэмнэлттэй амины орон сууцны чиглэлээр төсөл хөтөлбөр хэрэгжүүлэхэд анхаарч буй. Энэ хүрээнд өнгөрсөн сард “Хайбрид хаус” ХХК-тай хамтын ажиллагааны санамж бичиг үзэглэсэн.
Хамтын ажиллагааны эхний ажил Эрдэнэ багт 3,4 га талбайд “Эрчим хүчний хэмнэлттэй жишиг ногоон амины орон сууцны 37 айл”-ын төслийг хэрэгжүүлнэ. Өнөөдөр А.Амарын талбайд эрчим хүчний хэмнэлттэй амины орон сууцны ач холбогдлыг сурталчлах, хөгжүүлэх, нутагшуулах зорилготой “Эрчим хүчний өндөр хэмнэлттэй ногоон амины орон сууцны нээлт” -ийн арга хэмжээг зохион байгуулж иргэдэд мэдээлэл өгч байна.
Эрдэнэ багт 3,4 га талбайд хэрэгжүүлэх төслийн ажлын зураг 100 хувь дуусч, ийн иргэд, олон нийтэд танилцуулж байгаа юм. Ингэхдээ орон нутгийн зүгээс иргэнд орон сууц барих 150-400метр квадрат газрыг үнэ төлбөргүй олгоно. Энэхүү төсөл нь олон улсын ногоон барилгын шаардлага бүрэн хангасан “Хайбрид Хаус” ХХК-ний технологиор, 60-даас дээш хувийн эрчим хүчний хэмнэлттэй гэдгээрээ онцлогтой.
.jpg)
Мөн энэ үеэр эрчим хүчний өндөр хэмнэлттэй амины орон сууцны үр нөлөөг таниулах, ач холбодлыг сурталчлах, хүлэмжийн хийг бууруулах, дэвшилтэт шийдлийг ашиглан ногоон технологийн амины орон сууцыг олон нийтэд танилцуулж байна.
Түүнчлэн иргэн, аж ахуйн нэгж байгууллагад зөвлөгөө, мэдээлэл өгөх орон нутагт анх удаа эрчим хүчний хэмнэлттэй ногоон амины орон сууцыг бүтээн байгуулах, ногоон зээл олгогч банк санхүүгийн байгууллагууд ногоон зээлийг газар дээр нь шийдвэрлэх үйлчилгээг үзүүлж байгаа тул иргэд Та бүхнийг А.Амарын талбайд урьж байна.
Арга хэмжээнд ...
• Хайбрид Хаус ХХК
• Хайбрид халаагуур
• Хайбрид цонх ХХК
• Төрийн банк
• Хас банк
• Динамик тауэр ХХК
• Райзинг девелопмент монголиа ХХК
• Нью стайл констракшн ХХК оролцож, бүтээгдэхүүн үйлчилгээгээ танилцуулж байна.
Мэдээллийн төв
