Хүүхдийн тасагт 250 ор дэлгэлээ
БОЭТ-ийн хүүхдийн тасагт 250 ор дэлгэж бэлэн байдлыг хангасан бөгөөд өнөөдрийн байдлаар 127 хүүхэд хэвтэн эмчлүүлж байна. Тус тасагт нэг ээлжиндээ таван эмч, найман эмнэлгийн ажилчид ажиллаж, нэмэлтээр БОЭТ-ийн 35, ӨЭМТ-ийн 43 эмч, эмнэлгийн мэргэжилтнийг дайчлан ажиллуулах зохицуулалт хийгсэн.
Мөн хүүхдийн хүлээн авах, хүүхдийн тасгийн ачаалал нэмэгдсэнтэй холбогдуулан “Мэндцэцэн”, “Нийцэл”, “Үйлсбадрах”, “Учралтбаяр” дөрвөн ӨЭМТ ажлын өдрүүдэд 08:00-20:00 цаг хүртэл, бүх ӨЭМТ -үүд амралтын өдөр 11:00-16:00 цаг хүртэл ажиллаж байна. Түүнчлэн гэрийн хяналтыг нэмэгдүүлэн ажиллаж, хүүхдийн өвчлөлийн цогц менежментээр оношлон өдрийн эмчилгээнд хамруулан, сэргээн засах уламжлалт, утлага эмчилгээг хийж, лавлагаа шатлал руу явах урсгалыг бууруулж байна.
Мэдээллийн төв
