ГЭР ХОРООЛЛЫН БҮХ БАГТ ХӨДӨЛГӨӨНТ ЧИНГЭЛЭГ БАЙРШУУЛНА
Орхон аймаг гэр хорооллын хог хаягдлын асуудлыг шийдвэрлэх, ачилт тээвэрлэлтийн давтамжийг ойртуулах зорилгоор гэр хорооллын бүх багт хөдөлгөөнт чингэлэг байршуулна.Өнгөрсөн 2022 оны орон нутгийн төсвийн хөрөнгө оруулалтаар хог хуримтлуулах, ачиж тээвэрлэх зориулалттай 44 чингэлэг, 4 тээврийн хэрэгслийг нийлүүлж Булаг, Шанд, Рашаант, Наран, Эрдэнэ, Найрамдал, Баянцагаан ПДУ зэрэг долоон багт байршуулсан. Ингэснээр жилд 4-5 удаа хог ачилт тээвэрлэлт хийгддэг байсан бол жилд 8-10 удаа ачиж тээвэрлэх боломжтой болж давтамж ойртсон байна.
Иймд энэ онд орон нутгийн төсвийн хөрөнгө оруулалтаар дахин 65 чингэлэг 7 авто машин авахаар төсөвт тусгасан. Эхний 20 чингэлэг ирсэн бол ирэх 11-р сард дараагийн 45 чингэлэг 7 авто машинаа хүлээн авч дуусна. Үүнд орон нутгийн төсвийн 2,3 тэрбум төгрөг зарцуулагдаж байна.
Мэдээллийн төв
