Аймгийн Засаг дарга С.Батжаргал иргэдтэй хийх уулзалт ирэх долоо хоногт эхэлнэ
Аймгийн Засаг дарга С.Батжаргал Баян-Өндөр, Жаргалант сумын иргэдтэй хийх уулзалт энэ сарын 23-аас 28-ны хооронд болно.
Энэ онд хийж хэрэгжүүлж буй ажлын тайлан, мэдээлэл болон ирэх онд улс, орон нутгийн хөрөнгө оруулалтаар хийгдэх ажилд иргэдийн санал хүсэлтийг тусгах зорилгоор уулзалтыг зохион байгуулж байна.
Уулзалт 10-р сарын 23-ны 14:00 цагт Баян-Өндөр сумын Наран, Рашаант, Уртын гол багийн иргэдтэй хийх уулзалтаар эхлэх бөгөөд Засаг даргын Тамгын газрын харъяа хэлтэс, агентлаг, газрын дарга удирдлагууд оролцож иргэдийн асуулт, санал хүсэлтэд хариулт өгнө.
Мөн энэ оны нэгдүгээр сард иргэдтэй хийх уулзалтаас гарсан санал хүсэлтийн шийдвэрлэлтийг холбогдох албаныхан танилцуулна.
Мэдээллийн төв
