2024 оны 03-р сарын 29

Монгол Улсын Ерөнхийлөгчийн зарлигаар 287 ээжид “Алдарт эх”-ийн одон хүртээлээ

Олон улсын хүүхдийн эрхийг хамгаалах өдрийг тохиолдуулан олон хүүхэд төрүүлж өсгөж буй ээжүүдэд Монгол Улсын Ерөнхийлөгчийн зарлигаар Алдарт эхийн одон гардууллаа. Одон гардуулах ёслолын үйл ажиллагаанд УИХ-ын гишүүн Д.Батлут, аймгийн ИТХ-ын дарга Д.Мөнхбат, аймгийн Засаг дарга С.Батжаргал, Засаг даргын орлогч А.Түвшинжаргал нар оролцов. 

Энэ жил Орхон аймаг, Эрдэнэт хотоос 287 ээж Алдарт эхийн одонгоо энгэртээ зүүж байна. Үүний 23 нь нэг, үлдсэн нь хоёрдугаар одон байв.  Орхон аймгийн 6424 Алдарт эхийн одон хүртсэнээс нэгдүгээр  одонг 1529, хоёрдугаар одонг 4800 гаруй ээж хүртжээ. 

Орхон аймаг  Алдарт эхийн одон гардуулах энэхүү үйл ажиллагааг ёслол төгөлдөр ээжүүддээ хүндэтгэлтэйгээр   зохион байгуулсаар ирсэн.  Уурхайчин Соёлын ордны үүдээр орохоос эхлэн урьд жил нь одон авсан ээжүүдээс 9 ээж  алд цэнхэр хадаг, мөнгөн аягатай цагаа идээ амсуулж хүндэтгэл үзүүлдэг  уламжлалаа өнөө ч хадгалав. 

Энэ жилийн ёслолын үйл ажиллагаанд урлагийн төрөлжсөн сургалттай “Уран эгшиг” сургуулийн морин хуур хөгжмийн дугуйлангийн сурагчид ая эгшиглүүллээ.  Түүнчлэн Алдарт эхийн одонгоо гардаж буй ээжүүдийн зургийг газар дээр нь угааж үйлчлэхийн зэрэгцээ 360 градус видео бичлэгээр амьдралынх нь нандин мөчийг дурсамж болгон үлдээх үйлчилгээг үнэ төлбөргүй үзүүлсэн нь энэ жилийн ёслолын үйл ажиллагааны онцлог байлаа. 

Зөв сэтгэлтэй, эрдэм боловсролтой, эрүүл чийрэг иргэн болгон өсгөж хүмүүжүүлж буй нийт ээжүүддээ баярын мэнд хүргэе. 

Мэдээллийн төв 


 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 44.192.53.34
  • 1 Онлайн
  • 347 Өнөөдөр
  • 539 Өчигдөр
  • 2266 Долоо хоногт
  • 19557 Сүүлийн сард
  • 6914325 Нийт хандалт