Спортын наадмын чиглүүлэгч хөтчөөр ажиллах сайн дурын ажилчдад сургалт зохион байгууллаа
Монголын бүх ард түмний спортын өвлийн XVI наадам, Монголын хүүхдийн спортын өвлийн VII наадамд чиглүүлэгч хөтчөөр ажиллах ажилтнуудад наадмын өдрүүдэд ажиллах зохион байгуулалт, чиг үүргийн талаар танилцуулах сургалт хийж байна.
Нийт 60 хөтөч долоо хоногийн хугацаанд ажиллах бөгөөд наадамд оролцох баг тамирчдад зөвлөн туслах, чиглүүлэх мэдээ мэдээллээр хангах, хурдан шуурхай чирэгдэлгүй үйлчлэх, баг тамирчид болон зохион байгуулах хорооны уялдаа холбоог ханган ажиллах юм.
Өнөөдрийн сургалтаар зохион байгуулалт хариуцсан дэд хороо, худалдаа үйлчилгээ аялал жуулчлал хариуцсан дэд хоро, эрүүл мэнд яаралтай тусламж үйлчилгээ хариуцсан дэд хороо, авулгүй байдал хэв журам хариуцсан дэд хороод, гэр бүл хүүхэд залуучуудын газраас тус тус мэдээлэл өглөө. Үүний дараа сайн дурын ажилчидтай хамтран ажиллах гэрээг байгуулах юм.
Аливаа спортын наадмын уралдаан тэмцээний үед хөтөч чиглүүлэгч хэрхэн ажилласнаар зохион байгуулалтын ажлыг дүгнэдэг. Иймд ёс зүйн алдаа дутагдал гаргахгүй хариуцлагатай ажиллах нь аймаг орон нутгаа сурталчлах давуу тал гэдгийг наадам Засаг даргын орлогч, наадам зохион байгуулах хорооны дарга А.Түвшинжаргал онцоллоо.
Мэдээллийн төв
