Шинжлэх ухаан, технологийн зөвлөл анхны хурлаа хийлээ
Засаг даргын А/495 тоот захирамжаар Боловсрол, шинжлэх ухааны сайдаас ирүүлсэн зөвлөмжийн дагуу аймгийн Шинжлэх ухаан, технологийн зөвлөлийг байгуулсан. Тус зөвлөл өнөөдөр 2023 оны анхны хуралдаанаа хийж, үйл ажиллагааны төлөвлөгөөг хэлэлцэн санал солилцов.
Зөвлөлийн даргаар Засаг даргын орлогч А.Түвшинжаргал, орлогч дарга аймгийн БШУГ-ын дарга О.Ариунгэрэлт, гишүүдээр ИТХ-ын Нарийн бичгийн дарга Ph.D Д.Эрдэнэцэцэг, Эрдэнэт Шинжлэх Ухаан, технологийн паркийн Эрдмийн зөвлөлийн дарга Sc.D Ж.Баатархүү, ОХУ-д сургууль төгсөгчдийн холбооны Орхон аймгийн салбарын тэргүүн Ph.D Б.Мянганбаяр, “Эрдэнэт үйлдвэр” ТӨҮГ, ШУТИС-ийн дэргэдэх ЭЦДС-ийн захирал Ph.D Д.Зоригтхүү, МУИС-ийн Эрдэнэт сургуулийн захирал Ph.D Т.Энх-Амгалан, Эрдэнэт шинжлэх ухаан технологийн паркийн захирал Г.Энхбаяр, Эрдэнэт шинжлэх ухаан, технологийн паркийн ТДТ-ийн судлаач Н.Энхжаргал, “Эрдэнэт үйлдвэр”, ТӨҮГ, ШУТИС-ийн дэргэдэх ЭЦДС-ийнн Эрчим хүч, мэдээллийн технологийн тэнхимиййн эрхлэгч Ph.D Д.Заяабаатар, Эрдэнэт шинжлэх ухаан, технологийн паркийн технологи дамжуулах төв хариуцсан мэргэжилтэн Г.Оюунтуяа, ажлын хэсгийн нарийн бичгийн даргаар БШУ-ны газрын мэргэжилтэн Д.Энхцэцэг ажиллах юм.
Тус зөвлөл нь Шинжлэх Ухаан, технологийн тухай хуулийн аймаг, орон нутагт хамаарах зүйл, заалт болон Инновацийн тухай хуулийн 11-д заасан бүрэн эрхийг хэрэгжүүлэхэд удирдлага зохион байгуулалтаар хангаж ажиллана.
Тухайлбал, аймгийн нийгэм, эдийн засаг, байгаль экологийн тулгамдсан асуудлууд, хөгжлийн бодлогын баримт бичгүүд,түүний хэрэгжилтийн байдалд хийсэн дүн шинжилгээ, Шинжлэх ухаан, технологийн болон инновацийн үйл ажиллагааны талаарх тайлангаа Шинжлэх ухаан, технологийн үндэсний зөвлөлд жил тутам хүргүүлэх, аймагт хэрэгжүүлэх шинжлэх ухаан технологи болон инновацийн төсөл хөтөлбөр, орон нутгийн захиалга, саналыг хууль тогтоомжид нийцүүлэн хэлэлцэж, зөвлөмж гарган дээд байгууллагад уламжлах гэх мэт хэд хэдэн чиглэлээр ажиллах юм.
Мэдээллийн төв
