Нүүрсний бөөний үнэ 8000, жижиглэнгийн үнэ 9000 төгрөг байна
Даваа гаригийн Засаг даргын ээлжит шуурхай зөвлөгөөн боллоо. Шуурхай зөвлөгөөнөөр өнгөрсөн долоо хоногт харьяа газар, хэлтсүүдэд өгсөн үүрэг даалгаврын биелэлтийг хэлэлцэхийн зэрэгцээ сумдын цаг үеийн мэдээлэл сонсов.
Иргэдийн санал хүсэлтийг хүлээн авдаг 70353511 дугаарын утсанд иргэдээс түлээ, нүүрсний хомстол бий болж, нэг шуудай нүүрс 15 мянган төгрөг хүрсэн тухай гомдлыг өнгөрсөн долоо хоногт ирүүлсэн. Үүний дагуу Хотын захирагчийн алба, ЗТГ-ын Хөгжлийн бодлого төлөвлөлтийн хэлтэс, Баян-Өндөр сумын ЗДТГ-аас хамтарсан ажлын хэсэг түлээ, нүүрсний захуудад ажиллаж, нөхцөл байдалтай танилцсан.
Үүгээр "аймгийн хэмжээнд түлээ, нүүрсний хомстол үүсээгүй бөгөөд модны захуудад нүүрсний бөөний үнэ 8000, жижиглэнгийн үнэ 9000 төгрөг байна. Түлээ нүүрсний хомстол бий болж, нэг шуудай нүүрс 15 мянган төгрөг хүрсэн гэх нь ташаа мэдээлэл болохыг Хөгжлийн бодлого төлөвлөлт, хөрөнгө оруулалтын хэлтсийн дарга Х.Даваадорж өглөө.
Өнөөдрийн байдлаар аймгийн хэмжээнд 1260 метр куб буюу 315 портер мод, 400 тонн нүүрсний нөөцтэй байна. Иймд иргэдийг ташаа мэдээлэлд автаж, үнэ хөөрөгдөлтөөс сэргийлэхийг сэрэмжлүүллээ.
Мэдээллийн төв
