ЭНЭ ХИЧЭЭЛИЙН ЖИЛД 1360 ГАРУЙ ХҮҮХЭД 12-Р АНГИ ТӨГСӨЖ БАЙНА

Ерөнхий боловсролын сургууль төгсөгчдийн “Эрдмийн баяр” өнөөдөр болж байна. Энэ хичээлийн жил манай аймгийн төрийн болон төрийн бус өмчийн 20 сургуульд 18 мянга 500 гаруй хүүхэд суралцсан. Үүнээс 12-р ангийн 49 бүлэгт 1363, 9-р ангийн 42 бүлэгт 1196 хүүхэд суралцаж өнөөдөр “Эрдмийн баяр” баяраа хийлээ.

Ерөнхий боловсролын сургууль төгсөгчдийн “Эрдмийн баяр”-т аймгийн удирдлагууд оролцож төгсөгчид болон багш нарт баяр хүргэж, амжилт хүслээ. Тухайлбал, Аймгийн Засаг дарга Д.Батлут “Эрдэм” ахлах болон 18-р сургуулийн төгсөгчдөд баяр хүргэлээ. Мөн аймгийн Засаг даргын орлогч А.Түвшинжаргал, Хотын захирагчийн албаны дарга М.Түмэнжаргал нар “Наран” цогцолбор, Засаг даргын орлогч С.Батжаргал, Хяналт, шинжилгээ, үнэлгээ, дотоод аудитын хэлтсийн дарга М.Жанболат нар 17-р сургуулийн “Эрдмийн баяр”-т тус тус оролцож төгсөгчдөд баяр, хүргэж амжилт хүслээ.