ЭРДЭНЭТЧҮҮД ДЭЛХИЙН ГЭР БҮЛИЙН ӨДРИЙГ ТЭМДЭГЛЭЖ БАЙНА

Жил бүрийн 5-р сарын 15-нд “Дэлхийн гэр бүлийн өдөр” тохиодог. Манай Улс энэ онд дээрх өдрийг 12 дахь жилдээ тэмдэглэж байна. Орхон аймаг “Дэлхийн гэр бүлийн өдөр”-ийг 5-р сарын 14-нд буюу өнөөдөр А.Амарын талбайдаа тэмдэглэж байна. Энэ өдрийг тохиолдуулан А.Амарын талбайд “Гэр бүлийн үнэ цэнэ өдөрлөг” болж байгаа бөгөөд ерөнхий зохион байгуулагч нь АЗДТГ-ын Нийгмийн бодлогын хэлтэс юм. Мөн Гэр бүл, хүүхэд, залуучуудын хөгжлийн газар, “Дэлхийн зөн” ОУБ-ын “Эрдэнэт” орон нутгийн хөгжлийн хөтөлбөр, NBTV телевиз хамтран ажиллаж байгаа аж.

Энэ өдрийг аймгийн хэмжээнд “Авто машингүй өдөр” болгож гэр бүлээрээ оролцох боломжтой олон төрлийн тэмцээн уралдаан А.Амарын талбайд үргэлжилж байна.