Тариалангийн талбайг хашаажуулав
Даваа гарагийн Засаг даргын шуурхай зөвлөгөөний үеэр аймгийн газар тариалангийн цаг үеийн асуудлаар Хүнс, хөдөө аж ахуйн газрын дарга Ж.Бат-Өлзий мэдээлэл өглөө. Энэ хаврын тариалалтад зориулж орон нутгийн болон улсын төсвийн хөрөнгө оруулалтаар өрхийн тариаланчдад хөнгөлөлттэй нөхцлөөр үрийн дэмжлэг үзүүлсэн. Тодруулбал, тариаланчдад шаардлагатай нийт үрийн 35 хувийг хөнгөлөлттэй нөхцлөөр олгосон. Үүний 5,9 тонн нь үр, 7.9 тонн нь төмсний үр байна.
Аймгийн Засаг дарга, Хүнс хөдөө аж ахуйн хөнгөн үйлдвэрийн сайдтай байгуулсан гэрээний хүрээнд энэ жил 5113,6 га талбайд тариалалт хийх ёстой. Өнөөдрийн байлдлаар 5287 га талбайд тариалалт хийж гүйцэтгэл 103 хувьтай давж биелжээ.
Таримал тус бүрээр нь авч үзвэл үр тариа 8,3 га талбайд, тосны ургамал 832 га талбайд, малын тэжээл 242 га талбайд, хүнсний ногоо 303 га талбайд, төмс 167 га талбайд тус тус тариалалт хийжээ. Малын тэжээлээс бусад тарималын тариалалт 100 хувь дууссан байна. Тариалангийн талбайг орон нутгийн болон улсын төсвийн хөрөнгө оруулалтаар үе шаттай хашаажуулж буй. Энэ жил 24 мянган бетонон шонг хашаажуулалтад хамрагдаагүй тариаланчдад олгожээ. Ингэснээр 5000 гаруй га тариалангийн талбайг хашаажуулж дуусаад байгаа аж.
Мэдээллийн төв
