Спортын А,Б зааланд долоо хоногт хоёр удаа үнэ төлбөргүй хичээллэх боломжтой боллоо
Аймгийн хэмжээнд үйл ажиллагаа явуулж буй спорт заалыг оройн цагаар иргэдэд үнэ төлбөргүй ашиглуулах чиглэлээр тооцоо судалгаа хийж танилцуулахыг аймгийн Засаг дарга М.Түмэнжаргал холбогдох байгууллагуудад үүрэг болгосон билээ.
Үүний хүрээнд иргэдэд үнэ төлбөргүй үйлчлэх спорт заалны өдөр, цагийг аймгийн Биеийн тамир спортын газраас нэмэгдүүлжээ. Торуулбал, Биеийн тамирын спортын газрын А заал долоо хоног бүрийн лхагва, баасан гарагт 18:00-20:00,
Б заал долоо хоног бүрийн мягмар, лхагва гарагт 18:00-20:00 цагийн хооронд өнөөдрөөс эхлэн хүүхэд, залуучууд, иргэдэд үнэ төлбөргүй үйлчилж эхэлнэ. Аймгийн Биеийн тамир, спортын газар ахмад настан, хөгжлийн бэрхшээлтэй иргэдэд долоо хоног бүрийн таван өдөр спортын 8 төрлөөр үнэ төлбөргүйгээр хичээллүүлдэг.
Иргэдэд үнэ төлбөргүйгээр үйлчлэх цагийг нэмэгдүүлснээр долоо хоногт 400-500, сард 1800-2000 иргэн чөлөөт цагаа зөв боловсон өнгөрүүлэх боломжтой гэж үзжээ. Цаашид иргэдийн спорт заалаар үйлчлүүлэх эрэлт хэрэгцээ нэмэгдвэл ирэх зургаадугаар сарын 3-наас өдөр, цагийг нэмэгдүүлэх аж.
Мэдээллийн төв
