Том оврын автомашин, механизмын түр зогсоолын цэг байгуулна

Том оврын авто машиныг нэгдсэн нэг авто зогсоолд зогсоодог байхаар холбогдох арга хэмжээг авч байна. Тодруулбал, иргэдээс ирүүлж буй гомдол, санал хүсэлтийн дагуу ийн шийдвэрлэж буй.

Аймгийн ЗДТГ-ын Хууль эрх зүйн хэлтэс, Газрын харилцаа, барилга хот байгуулалтын газар хамтран Баянцагаан багт "Таван эрдэнэ" зах явах зам дагуу 1.2 га газарт том оврын автомашин механизмын түр зогсоолын газрын судалгааг гаргаж, аймгийн удирдлагуудад танилцуулсан. Тус газарт хашаа барих, талбай тэгшлэх төсвийн тооцооллыг хийж байгаа юм.

Мөн нийтийн эзэмшлийн гудамж, талбай болох Цагаанчулуут баг Танил техникийн захын зүүн тал, Уртын гол баг Энх үрс хүнсний дэлгүүр, Цагаанчулуут баг Цэцэрлэгт хүрээлэнгийн хойно болон 7 дугаар цэцэрлэгийн зогсоолыг байнгын зогсоолын байдлаар ашиглаж байсан 8 том оврын автомашины эзэмшигч нарт шаардлага тавьж, газрыг бүрэн чөлөөлүүлжээ.

Мэдээллийн төв