E-Mongolia төв хурууны хээгээр бус иргэний үнэмлэхээр үйлчилгээ үзүүлж байна
Хүний хувийн мэдээлэл хамгаалах тухай хууль энэ сарын 01-ний өдрөөс хэрэгжиж эхэлсэн. Уг хууль хэрэгжиж эхэлсэнтэй холбоотойгоор үндэсний цахим үйлчилгээний нэгдсэн систем E-Mongolia төв энэ сарын 26-наас эхлэн хурууны хээгээр үйлчилгээ үзүүлэхээ зогсоож, иргэдэд иргэний үнэмлэхээр үйлчилж эхэллээ.
Хувь хүний мэдээллийг хамгаалах тухай хуулиар Хүний биеийн давхцахгүй өгөгдөл болох гарын хурууны хээг улсын бүртгэлийн байгууллага иргэний улсын бүртгэл хөтлөх, сонгогчийн бүртгэлийг хянах зорилгоор ашиглах, улсын хилээр нэвтэрч байгаа гадаадын иргэнийг таних, баталгаажуулах, хэрэг маргааныг хянан, шийдвэрлэх, УИХ-ын гишүүд цахим төхөөрөмж ашиглан санал хураалтад оролцох зэргээс бусад тохиолдолд хориглосон.
Үндэсний цахим үйлчилгээний нэгдсэн систем E-Mongolia төвөөс иргэд төрийн 40 орчим байгууллагын 500 гаруй цахим үйлчилгээний талаар заавар, зөвлөмж, туслалцаа, үйлчилгээг авч байна.
Мэдээллийн төв
.jpg)
