Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.1.1./а/, 29.1.2./а/, 29.1.4./в/, 29.2 дахь заалт, аймгийн Иргэдийн Төлөөлөгчдийн Хурлын 2018 оны 11 дүгээр сарын 30-ны XII хуралдааны 04 дүгээр тогтоолыг тус тус үндэслэн ЗАХИРАМЖЛАХ нь:

 

       1.2019-2020 оны өвөлжилтийн бэлтгэл ажлын хүрээнд Баян-Өндөр сумын 17 дугаар сургуулийн халаалтын зуух, 24 дүгээр цэцэрлэгийн гадна дулаан, цэвэр усны шугам, 6 дугаар сургуулийн  гадна цахилгаан хангамжид гэмтэл гарч ашиглалтын шаардлага хангахгүй болсон мөн Худалдааны гудамж болон 5 дугаар хорооллын цэвэр усны шугамд гарсан гэмтлийг засварлах, авто замын хөдөлгөөний аюулгүй байдлыг хангах зорилгоор хотын төв авто замын дагуух тэмдэг тэмдэглэгээг сайжруулах зэрэг аваарын зардлаар гүйцэтгэх ажлуудын жагсаалтыг хавсралтаар баталсугай. 

        2.Дээрх засварын  ажилд  шаардагдах 162 494 149 /Нэг зуун жаран хоёр сая дөрвөн зуун ерэн дөрвөн мянга нэг зуун дөчин есөн/ төгрөгийг болзошгүй аваарын зардлаас  гаргахыг Санхүү, төрийн сангийн хэлтэс /н.Бямбацэцэг /-т зөвшөөрсүгэй.

          3.Ажлын гүйцэтгэлд хяналт тавьж ажиллахыг Хотын захирагчийн алба   /н.Түмэнжаргал/-нд  даалгасугай.

 

 

 

ЗАСАГ ДАРГА Д.БАТЛУТ