|
| Асуулт: Даатгалын сангаас төлбөрийг нь хариуцдаг ямар тусламж үйлчилгээ авдаг вэ? |
Хариулт: • Дотрын өвчний
• Мэдрэлийн тогтолцооны өвчний
• Нүд, чих, арьс ба халимын, яс, булчин, холбох нэхдэсний өвчний
• Яаралтай бус гэмтэл, мэс заслын өвчний
• Зайлшгүй шаардлагатай эмийн жагсаалтад заасан эмийг эмийн сангаас худалдан авах тохиолдолд үнийн хөнгөлөлт үзүүлнэ.
|
|
| Асуулт: Эрүүл мэндийн даатгалтай хүнд шинжилгээнүүдийг үнэ төлбөргүйгээр хийх үү? |
| Хариулт: Даатгуулагч өвчний учир эмчийн заалтын дагуу 36000 төгрөг хүртэлх төлбөрийн оношлогоо, шинжилгээ хийлгэх эрхтэй. |
|
| Асуулт: Эрүүл мэндийн даатгалд даатгуулаагүй иргэн амбулаторийн тусламж, үйлчилгээ авбал яах вэ? |
| Хариулт: Эрүүл мэндийн даатгалд даатгуулаагүй иргэн амбулаторийн төлбөрөө өөрөө бүрэн хариуцан төлнө. |
|
| Асуулт: Даатгуулагчийн хөдөлмөрийн чадвар алдалтын хувь хэмжээ, хугацааг хаана тогтоох вэ? |
Хариулт: • Даатгуулагчийн хөдөлмөрийн чадвар алдалтын хувь, хэмжээ, хугацааг түүний оршин суугаа аймаг, дүүргийн эмнэлэг, хөдөлмөрийн магадлах комисс тогтооно.
• Даатгуулагч мэргэжлээс шалтгаалсан өвчний улмаас тахир дутуу болсон бол түүний хөлөмөрийн чадвар алдалтын хувь хэмжээ, хугацааг мэргэжлийн өвчин судлалын төвийн дэргэдэх эмнэлэг, хөдөлмөрийн магадлах комисс тогтооно.
|
|
| Асуулт: Хөнгөлөлттэй олгох эмийг даатгуулагч ямар журмаар авах вэ? |
| Хариулт: Даатгуулагч хариуцсан өрх /сум, баг/-ийн эмчийн жороор эмийн сангаас зайлшгүй шаардлагатай эмийн жагсаалтанд заасан үнийн хөнгөлөлт олгох эм авсан бол уг эмийн үнийн зохих хувийг даатгалын байгууллага олгож үлдэх хувийг иргэн өөрөө төлнө. Харин өрх /сум, баг/-ийн эмчээс бусад эмчийн бичсэн жороор зайлшгүй шаардлагатай эмийн үнийг даатгалын байгууллага төлөхгүй. |
|
| Асуулт: Эрүүл мэндийн даатгалын гэрчилгээг хаяж үрэгдүүлвэл ямар журмаар дахин авах вэ? |
| Хариулт: • Эрүүл мэндийн даатгалын гэрчилгээг хаяж үрэгдүүлсэн тохиолдолд 10 хоногийн дотор орон нутгийн хэвлэлд зарлуулж, хүчингүй болгосны дараа харъяа нийгмийн даатгалын байгууллагад хандаж 3000 төгрөг төлж шинээр гэрчилгээ авна. Эрүүл мэндийн даатгалын гэрчилгээг бусдад дамжуулж болохгүй. |
|
| Асуулт: Ямар иргэдийн шимтгэлийг төр хариуцан төлдөг вэ? |
Хариулт: • 16 нас /ерөнхий боловсролын сургуульд суралцаж байгаа бол 18 хүртэлх насны хүүхэд/
• Тэтгэврээс өөр мөнгөн орлогогүй иргэн
• Хүүхдээ 2 /ихэр бол 3/ нас хүртэл нь өсгөн бойжуулж байгаа эх /эцэг/
• Хугацаат цэргийн жинхэнэ албан хаагч
• Нийгмийн халамжийн тухай хуулийн 12 дугаар зүйлд заасан иргэд
|
|
| Асуулт: Даатгуулагч гэж ямар хүнийг хэлэх вэ? |
| Хариулт: “Даатгуулагч” гэж хууль болон гэрээний үндсэн дээр даатгагчид шимтгэл тогтмол төлж эрүүл мэндээ хамгаалах, учирч болох эрсдлийн зардлыг нөхөн төлүүлэхээр даатгуулсан иргэнийг хэлнэ. |
|
| Асуулт: Иргэний эрүүл мэндийн даатгал гэж юу вэ? |
| Хариулт: Иргэний эрүүл мэндийн даатгал нь төр, иргэн, хуулийн этгээдээс хуульд заасан журмын дагуу даатгалын шимтгэл төлж, даатгалын санг бүрдүүлэх, даатгуулагчийн амбулаторийн болон хэвтэн эмчлүүлэх тусламж үйлчилгээний зардлын төлбөрийг уг сангаас төлөх нийгэм эдийн засгийн арга хэмжээ гэж ойлгоно. |
|
| Асуулт: Иргэн та эрүүл мэндээ хамгаалах талаар ямар үүрэг хүлээдэг вэ? |
Хариулт: • Эрүүл мэндийн боловсрол эзэмших, хэвшүүлэх, амьдрал ахуйн таатай нөхцлийг бүрдүүлэх
• Хүн амын эрүүл мэндийг хамгаалах, дэмжих талаар зохиож байгаа ажилд оролцох
• Халдварт өвчин тархахаас сэргийлж, хөл хорионы дэглэмийг сахиж мөрдөх
• Хүний эрүүл мэнд болон нийгэмд аюул бүхий өвчин, хордлого, осол, гэмтэл, орчны сөрөг хүчин зүйлийн талаар эрүүл мэндийн байгууллагад цаг тухайд нь мэдээлэх
• Хүний эрүүл мэндэд сөрөг нөлөө үзүүлэх эрсдэлт зан үйлээс татгалзах сэргийлэх, эрүүл мэндэд сөрөг нөлөө үзүүлэх үйлдлийг таслан зогсоох талаарх эрүүл мэндийн байгууллагын шаардлагаар орох
• Эмнэлгийн яаралтай тусламжаас бусад эмнэлгийн тусламжийг өрх, сум, тосгон, сум дундын эрүүл мэндийн байгууллагын ерөнхий мэргэжлийн эмчийн илгээх бичгээр авах
• Эрүүл мэндийн ажилтныг ажил үүргээ гүйцэтгэж байхад саад учруулахгүй, нэр хүнд, бие махбодид нь халдахгүй байх
• Эрүүл мэнддийн байгууллагын хэвийн үйл ажиллагааг алдагдуулахгүй, эрүүл мэндийн байгууллагын нэр хүндийг унагаах зорилго бүхий ташаа мэдээлэл өгөхгүй байх
|
|
