Хойд бүсийн аймгийн засаг дарга нар байгалийн гамшиг болон бохирдлоос сэргийлэх яаралтай шаардлага байгааг онцоллоо

    МОНГОЛ УЛС, УЛААНБААТАР ХОТ (2021 оны 10 дугаар сарын 7) – АХБ, Монгол Улсын түншлэлийн 30 жилийн ойн хүрээнд зохион байгуулагдаж буй бүсчилсэн уулзалт-хэлэлцүүлэг хойд бүсэд үргэлжилж байна. Хэлэлцүүлэгт оролцсон аймгийн засаг дарга нар ногоон хөгжлийн бодлогын хэрэгжилт болон хүрээлэн буй орчны доройтол, бохирдол, байгалийн гамшгийн эрсдэл зэрэг нэн яаралтай шийдвэрлэх шаардлагатай асуудлуудын талаар санал солилцлоо.Булган, Дархан-Уул, Орхон, Сэлэнгэ, Хөвсгөл гэсэн эдийн засгийн бүтцийн хувьд ялгаатай таван аймгийг хамруулсан энэхүү арга хэмжээ нь АХБ-наас 30 жилийн ойн хүрээнд зохион байгуулж буй таван бүсчилсэн зөвлөлдөх уулзалтын дөрөв дэх нь юм.
     “Эдгээр бүсчилсэн хэлэлцүүлгүүдийг зохион байгуулснаар АХБ Монгол Улсын тогтвортой, хүртээмжтэй хөгжлийг дэмжихэд чиглэсэн дараа дараагийн яриа хэлэлцээгээ чиглүүлэх юм” гэж АХБ-ны Монгол Улс дахь Суурин төлөөлөгч Павит Рамачандран хэлээд “АХБ Монгол Улстай хамтран хэрэгжүүлэх түншлэлийн шинэ стратегиа эхлүүлээд байгаа бөгөөд шинэ стратегийн хүрээнд онцолж буй нэг чиглэл нь хот хөдөөгийн хэлхээ холбоог бэхжүүлэх үйл ажиллагаа юм. Дархан, Эрдэнэт зэрэг хоёрдогч хотуудыг хөгжүүлснээр Улаанбаатар хот дахь төвлөрлийг сааруулж, улсын хэмжээнд өрсөлдөх чадвар болон эдийн засгийн төрөлжилтийг дэмжинэ гэж аймгийн засаг дарга нар мөн хэлэлцүүлгийн үеэр онцолсон.” хэмээн тэмдэглэв.
    Арга хэмжээний эхний хэсэгт боловсрол, дэд бүтцийн салбарт болон худалдааг хөнгөвчлөх чиглэлээр хэрэгжиж буй орон нутгийн нийгэм, эдийн засаг болон байгаль орчинд эерэг нөлөө үзүүлсэн төслүүдийн үйл ажиллагаатай цахимаар танилцлаа. Үүний дараа төсөл хэрэгжүүлэгч яамдын төлөөлөл АХБ-ны дэмжлэгтэй хэрэгжсэн хөгжлийн төслүүдийн үр дүн болон сургамжийн талаар санал дүгнэлтээ танилцуулж, амжилттай хэрэгжсэн төслүүдийн шинэлэг шийдлийг бусад бүс нутагт болон аймгуудад нэвтрүүлэх байр суурьтай буйгаа илэрхийллээ.
     Арга хэмжээний хоёр дахь хэсэгт Засгийн газрын болон орон нутгийн удирдлагууд ажлын байр болон иргэдийн орлогыг нэмэгдүүлэх, эдийн засгийн төрөлжилтийг дэмжихэд чиглэсэн бодлогыг хэлэлцлээ. Үндсэн хэлэлцүүлгийн үеэр хойд бүсийн аймгуудыг ногоон хөгжлийн бүс болгон хөгжүүлэх Засгийн газрын зорилт, Засгийн газрын тэргүүлэх чиглэлийн хүрээнд хэрэгжиж буй хөрөнгө оруулалтын төслүүд болон орон нутгийн хөгжлийг дэмжихэд АХБ-наас оруулах үүрэг оролцооны талаар санал солилцлоо. Ногоон хөгжлийн бодлогыг хэрэгжүүлэхэд бүтээмжийг нэмэгдүүлэх асуудал чухал үүрэгтэй болохыг хэлэлцүүлэгт оролцогчид тэмдэглэсэн бөгөөд үүний зэрэгцээ хүрээлэн буй орчны доройтол, бохирдол болон байгалийн гамшгийн эрсдэл зэрэг асуудалд яаралтай анхаарал хандуулах шаардлагатай байгааг онцоллоо.Монгол орны хойд бүс нь том голуудаар тэтгэгдсэн газар тариалангийн үржил шимт нутаг, мал сүргээ өсгөх нутгийн иргэдийн амьдралын хэв маягт нийцсэн үзэсгэлэнт байгаль, мөн Монгол Улсын хамгийн том цэнгэг устай нуур зэргийг багтаасан баялаг нутаг юм. Аймгийн төвүүдийн дэд бүтэц болон нийтийн аж ахуйн үйлчилгээний суурь нь бизнес хөгжүүлэхэд давуу тал болдог бол бүс нутагт үйл ажиллагаа явуулж буй хөдөө аж ахуйн болон хүнд үйлдвэрүүдэд шаардлагатай чадварлаг ажиллах хүчийг аймгуудын их дээд сургуулиуд болон мэргэжлийн боловсролын төвүүд бэлтгэн гаргадаг.
     АХБ нь Ази, Номхон далайн бүс нутагт нэн ядуурлыг арилгах хүчин чармайлтаа үргэлжлүүлэхийн зэрэгцээ хүртээмжтэй, тогтвортой, эрсдлийг даван туулах чадвартай хөгжлийг бүс нутагт цогцлоохын төлөө тууштай ажиллаж байна. Анх 1966 онд байгуулагдсан тус банкны нийт 68 гишүүн орны 49 нь тухайн бүс нутагт оршдог. 

 

Холбоотой мэдээлэл

2017-11-14 2528
ОРХОН АЙМАГТ ХЭРЭГЖИЖ БУЙ ГАДААДЫН ЗЭЭЛ, ТУСЛАМЖААР ХЭРЭГЖИЖ БУЙ ТӨСӨЛ, АРГА ХЭМЖЭЭНИЙ СУДАЛГАА ТАНИЛЦУУЛГА

Орхон аймагт хэрэгжиж буй гадаадын зээл, тусламжаар хэрэгжиж буй төсөл, арга хэмжээний судалгаа танилцуулга ...

2016-11-14 3588
Орхон аймагт гадаадын зээл, тусламжаар хэрэгжиж буй төсөл, арга хэмжээний танилцуулга

2016.11.01 1.”Нийгмийн түшлэлийн сүлжээ” 1.Аймгийн нэр- Орхон Баян-Өндөр сум ...

Цахим төрийн үйлчилгээ


Сурталчилгаа

 

 

 

БАЙГАЛЬД ЭЭЛТЭЙ ТЕХНОЛОГИОР ЦЭЦЭРЛЭГ СУРГУУЛИЙН ДУЛААН ХАНГАМЖИЙГ ШИЙДВЭРЛЭХ ТӨСЛИЙГ ЭХЛҮҮЛЛЭЭ

2022-01-06 698

Баян-Өндөр сумын ЗДТГ-ын 15 сул орон тооны туслах түшмэлийн тусгай шалгалт зарлагдлаа

2022-01-06 651

ЖАРГАЛАНТ СУМАНД E-MONGOLIA ТӨВ БАЙГУУЛАГДЛАА

2022-01-17 231

ХОГ ХАЯГДЛЫН МЕНЕЖМЕНТИЙГ ИРГЭДИЙН ОРОЛЦООТОЙ САЙЖРУУЛАХ НЬ ТУРШИЛТЫН ТӨСӨЛ ХЭРЭГЖИЖ БАЙНА

2022-01-06 221

БОЭТ-Д ШИНЭЭР СУУРЬЛУУЛАГДАЖ БУЙ ЗАРИМ ТОНОГ ТӨХӨӨРӨМЖҮҮДИЙГ ТАНИЛЦУУЛЛАА

2022-01-07 136

МӨСНИЙ ШАГАЙН АЙМГИЙН АВАРГА ШАЛГАРУУЛАХ ТЭМЦЭЭН БОЛЖ БАЙНА

2022-01-15 73

ХЭЛТСҮҮДИЙН 2022 ОНЫ 01 ДҮГЭЭР САРЫН 10-НААС 14-НИЙ ӨДРҮҮДЭД ХИЙХ АЖЛЫН ТӨЛӨВЛӨГӨӨ

2022-01-10 67

ИРГЭДИЙН САНАЛ ХҮСЭЛТ ХҮЛЭЭН АВАХ “70353511 УТАС”-ААР ИРСЭН 7 ХОНОГИЙН МЭДЭЭЛЭЛ

2022-01-10 62

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨН ЖАРГАЛАНТ СУМАНД БОЛЛОО

2022-01-17 60

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

2022-01-10 56

Веб статистик

Таны IP хаяг: 34.230.9.187
2021-01-03-ний өдрөөс хойш.
  • 5 Онлайн
  • 683 Өнөөдөр
  • 1646 Өчигдөр
  • 5522 Долоо хоногт
  • 26135 Сүүлийн сард
  • 6521521 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар