АЙМГИЙН ЗАСАГ ДАРГЫН ЗӨВЛӨЛИЙН 2021 ОНЫ XIX ХУРАЛДААН БОЛЖ БАЙНА

Аймгийн Засаг даргын зөвлөлийн 2021 оны XIX хуралдаан болж байна. 

Энэ удаагийн хуралдааныг аймгийн Засаг даргын Хот байгуулалт, дэд бүтцийн хөгжлийн асуудал хариуцсан орлогч М.Түмэнжаргал удирдаж байна.
Хуралдаанаар,
1. “Эрдэнэт үйлдвэрлэл” дэд хөтөлбөрийн хэрэгжилтийн явцын талаар 
2. “Хашаандаа хаус” дэд хөтөлбөрийн хэрэгжилтийн явц
3. Хог хаягдлын үнэ шинэчлэн тогтоох санал зэрэг асуудлуудыг хэлэлцэж байна. 
Орхон аймгийн хувьд 2011 онд аймгийн ИТХ-ын хуралдааны тогтоолоор хамгийн сүүлд хог тээвэрлэлтийн үнэ тарифыг шинэчилж байсан. Хог хаягдлын нэгдсэн цэг нь 1977 оноос хойш ашиглагдаж байгаа бөгөөд хотын төвөөс 26 км зайд 80,3 га талбайг эзлэн оршдог. Эрдэнэт хотоос гарч буй ахуйн бүх хог хаягдлыг тус цэгт тээвэрлэн дарж, устгадаг. Гэр хорооллын 14 багийн 18.000 гаруй айл өрхийн хог хаягдлыг Хот тохижуулах газар 9 машин, 2 механизм ашиглан, орон сууцны хорооллын 10 мянга гаруй айл өрхийн хог хаягдлыг 8 автомашинаар ачиж тээвэрлэн хогийн нэгдсэн цэгт дарж устгаж байна. Хот тохижуулах газрын автомашинууд хуучирч муудсан, 70-аад онд үйлдвэрлэгдсэн ЗИЛ маркийн өөрөө буулгагч машинууд ашигладаг. Цаашид парк шинэчлэлт хийх шаардлагатай. 
2011 оноос хойш АИ-80 шатахууны үнэ 72.4, дизель түлш 85.2 хувиар, айл өрхийн тоо 16.5 хувиар, хүн амын тоо 17.4 хувиар тус тус өссөн байна. Иймээс цаашид хог тээвэрлэлтийг хэвийн байлгахын тулд үнэ тарифыг шинэчлэх зайлшгүй шаардлага тулгарчээ. Айл өрхүүд одоогийн байдлаар хогны үнэ гэж сард 1000 төгрөг, гэр хорооллын мал бүхий айл өрх 1500 төгрөгийн төлбөр төлдөг. Хот тохижуулах газраас дэвшүүлж буй үнийн саналаар нийтийн орон сууцны оршин суугчид 5000, гэр хорооллын айл өрхүүд 3500, гэр хорооллын мал бүхий өрхүүд 5000 төгрөг байна. 
Одоогийн байдлаар манай аймаг бусад аймаг, хотуудтай харьцуулахад хамгийн хямд үнээр хог хаягдлыг ачиж тээвэрлэж байна. Энэ асуудлыг аймгийн ИТХ-ын хуралдаанаар хэлэлцэж шийдвэрлэх юм. 
 
Мэдээллийн төв
 
 
 

 

Холбоотой мэдээлэл

2015-09-02 1665
ЭНЭ САРЫН 12-НД “МИНИ ДРОМ” АШИГЛАЛТАД ОРНО

Хүүхэд багачууд, сурагчдад замын хөдөлгөөний дүрмийн мэдлэг олгох дадлагын талбай буюу Мини Дромын ...

2014-06-30 1260
МЭНДЧИЛГЭЭ

Эрхэм хүндэт Онцгой байдлын албан хаагчид аа. 1922 онд байгуулагдсан Гал түймэртэй тэмцэх газар, ...

2014-08-28 2325
ОРОН СУУЦ,ТҮЛШНИЙ ХӨНГӨЛӨЛТ

Нийгмийн халамж үйлчилгээний хэлтэс орон сууц түлшний хөнгөлөлтийн материал авч эхэллээ.

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 44.197.197.23
2021-06-10-ний өдрөөс хойш.
  • 13 Онлайн
  • 2712 Өнөөдөр
  • 4048 Өчигдөр
  • 28917 Долоо хоногт
  • 206111 Сүүлийн сард
  • 6245331 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар