АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨН ХУРАЛДЛАА

Аймгийн Засаг даргын Даваа гараг бүрийн шуурхай зөвлөгөөн хуралдлаа. Хуралдааныг Орхон аймгийн Засаг дарга С.Батжаргал удирдан явууллаа. 

Хуралдааны эхэнд ЗДТГ-ын ТЗУХ-ээс боловсон хүчний томилгоог танилцуулав. 
“ЭДЦС” ТӨХК-ийн гүйцэтгэх Захирлаар ажиллаж байсан Л.Эрхбаатар Улаанбаатар хотын “ТЭЦ-3” ТӨХК-ийн гүйцэтгэх захирлаар томилогдсон билээ. Харин түүний оронд Төлөөлөн Удирдах Зөвлөлийн 2021 оны 08 дугаар сарын 27-ны өдрийн 23 дугаар тогтоолоор “Эрдэнэтийн дулааны цахилгаан станц” ТӨХК-ийн Гүйцэтгэх захирлаар Бямбажавын Бат-Эрдэнэ томилогдлоо.
Энэ жил бороо хур элбэгтэй, хотын доторхи авто замууд ус зайлуулах системгүй хийгдсэн зэргээс шалтгаалан эвдрэл гэмтэл их гарч байна. Хотын захирагчийн албанаас гаргасан судалгаагаар халуун асфальтаар 1400 м.кв, хүйтэн асфальтаар 200 м.кв замын нөхөлт хийхээр байна. Хүйтрэхээс өмнө замын нөхөөсний ажлыг хийхээр асфальтын үйлдвэрүүдтэй гэрээ байгуулж байна. 
Цаашид шинээр баригдах авто замуудыг ус зайлуулах системтэйгээр хийж байх талаар үүрэг чиглэл өглөө. 
Мөн 17-р сургуульд үүссэн нөхцөл байдлын улмаас Хөвсгөл аймгаас “Тавин лан” ХХК-ийн удирдлагыг дуудаж, өнөөдөр уулзахаар болсон байна. 
Түүнчлэн урин дулааны цагт хөрөнгө оруулалт бүтээн байгуулалтын ажил өрнөхөд иргэдийн дур мэдэн бахьсан өргөтгөл барилга, обьектихээхэн саад бэрхшээл болдог байна. Одоогийн байдлаар Эрдэнэт хотын хэмжээнд иргэд 1000 гаруй өргөтгөл хийсний 53 нь дулааны шугам сүлжээн дээр баригдсан байдаг байна. Иймээс мэргэжлийн байгууллагуудын зөвшөөрөлгүй, дур мэдэн өргөтгөл барьсан иргэн, ААН-үүдэд 10 сарын 7-оос өмнө өргөтгөлөө буцааж татах мэдэгдэл өгч байна. 10 сарын 7-оос хойш албадан буулгах чиглэлээр ажиллах аж. 
Нийгмийн хамгаалал, хөдөлмөрийн яамнаас хүнсний талонд хамрагддаг иргэдийг түр болон, байнгын ажлын байраар хангах бодлого барьж байгаа. Манай аймгийн хувьд ч хүнсний талонд хамрагддаг иргэдийг намрын ургац хураалт, үерийн далан, суваг шуудуу цэвэрлэх ажилд хамруулах юм. 
Жаргалант суманд намрын ургац хураалтын ажил эхэлжээ. Өчигдөрөөс эхлэн төмс хүнсний ногооны хураалт, хадлан тэжээл бэлтгэх ажил эхэлсэн байна. Харин 9 сарын 10-аас үр тариа хураах ажил эхлэхээр байна. 
Жил бүрийн 9 дүгээр сарын 15-аас айл өрх, ААН-үүдийн халаалт дулааныг өгч эхэлдэг бөгөөд өвөлжилтийн бэлтгэл ажлын хүрээнд “ЭДЦС” ТӨХК шугам сүлжээнд нягтын туршилт хийдэг уламжлалтай. Нягтын туршилт хийх учраас өнөөдрөөс эхлэн хэрэглээний халуун усыг 2 хоногийн хугацаатай хязгаарлаад байна. 
Хуралдааны төгсгөлд аймгийн Эрүүл мэндийн газар, ХББЗА-ны удирдлагуудад хийж хэрэгжүүлж байгаа ажлынхаа талаарх мэдээллийг иргэд, олон нийтэд хүргэж байхыг үүрэг болгов. 
 
Мэдээллийн төв
 
 
 
 
 
 
 

 

Холбоотой мэдээлэл

2015-05-08 17872
Хөдөлмөрийн аюулгүй байдал эрүүл ахуйн сарын аяны Хүрээнд зохион байгуулсан ажлын тайлан

Хөдөлмөрийн аюулгүй байдал, эрүүл ахуйн сарын аяныг зохион байгуулах ажлын хэсэг байгуулж, төлөвлөгөө ...

2015-07-08 1555
Аймгийн Мэргэжлийн хяналтын газрын байцаагчид “Найрамдлын эрдэнэс” хүүхдийн зусланд ажиллалаа

Аймгийн Мэргэжлийн хяналтын газраас 2015.07.07-ны өдөр “Найрамдлын эрдэнэс” хүүхдийн ...

2014-10-23 1607
Улсын бүртгэлийн хэлтсийн Иргэний бүртгэлийн тасгийн дарга Ө.Ганзориг "70353511"-төвд ажиллалаа

Улсын бүртгэлийн хэлтсийн Иргэний бүртгэлийн тасгийн дарга Ө.Ганзориг "Иргэдийн санал хүсэлт ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 44.197.197.23
2021-06-10-ний өдрөөс хойш.
  • 28 Онлайн
  • 2759 Өнөөдөр
  • 4048 Өчигдөр
  • 28964 Долоо хоногт
  • 206158 Сүүлийн сард
  • 6245378 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар