ТАТВАР ТӨЛӨГЧДИЙН МӨНГИЙГ ҮР ДҮНГҮЙ ЗҮЙЛД ЗАРЦУУЛАХГҮЙ БАЙХЫГ АНХААРУУЛЛАА

Аймгийн Засаг даргын шуурхай хуралдаан цахимаар хуралдаж хуралдааныг Засаг дарга С.Батжаргал удирдан явууллаа. 

       Шуурхай хуралдааны үеэр Хотын захирагчийн албаны дарга С.Ганцогт өнгөрсөн долоо хоногт орсон хүчтэй аадар борооны улмаас эвдрэл үүссэн авто замуудын талаар мэдээлэл хийлээ. Нийт 6 байршилд эвдрэл үүсч авто зам хууларсан байна. Үүний хохирлын хэмжээг гаргахаар мэргэжлийн байгууллагууд ажиллаж байна.  
          Мөн байшин хорооллын орц подвольд нохой бөөс ихэсч түүн дотор ажиллах боломжгүй болсноор зарим нэг дэд бүтэцтэй холбоотой ажлууд удаашралтай байгааг хэлсэн юм. Өнгөрсөн хавар 40 сая төгрөгийг зарцуулж орц подволь дахь нохой бөөс устгалыг орон нутгаас хийсэн. Иймд СӨХ-д орц подволийн ариун цэврийг сайтар хийж эвдрэл гэмтэл гарсан даруйд нь шуурхай засварлаж байхыг Засаг дарга үүрэг болголоо. Түүнчлэн энэ мэт татвар төлөгчдийн мөнгийг үр дүнгүй зарцуулахгүй байхыг анхаарууллаа. 
      Мөн БСУГ-ын дарга О.Ариунгэрэлт элсэлтийн ерөнхий шалгалт болон 1-р ангид элсэн орогчдын бүртгэлийн мэдээллийг танилцууллаа. Өнөөдрөөс эхлэн цахимаар бүртгэл нь хийгдэж байгаа бөгөөд улсын хэмжээнд https://help.esis.edu.mn/content/1098?fbclid=IwAR27E6BGGFoC1AZzHOKFt7dngSOlYh5-e4TFbWeLQQKgmZD8Toeabs0OO-4 хаягаар бүртгэл явагдана. Улсын бүртгэлийн хэлтсээс ирүүлсэн мэдээллээр манай аймагт 1-р ангид элсэн орох 2486 хүүхэд байгаа юм. Өнөөдрийн байдлаар 1039 хүүхэд бүртгүүлсэн байна. Бүртгэл энэ сарын 25-ыг дуустал хийгдэнэ. 
       Гэр хороололд хийгдэж буй сайжруулсан шороон замын ажлуудыг чанартай гүйцэтгүүлж, хүлээн авч байхыг холбогдох албаныханд аймгийн Засаг даргын орлогч А.Түвшинжаргал үүрэг болгов. Мөн аймгийн Засаг даргын захирамжаар “Шарилжгүй Эрдэнэт” аяныг зохион байгуулж иргэд аж ахуйн нэгжүүдийг гудамж талбай, ойр орчмын шарилжаа цэвэрлэхийг уриалж буй. Энэ ажлыг эрчимжүүлж хоёр сум, хот тохижуулах газар, СӨХ-үүд хамтран зохион байгуулахыг чиглэл өглөө. 
       Шуурхайн төгсгөлд аймгийн Засаг дарга төрийн байгууллагын ээлжийн амралттай байгаа дарга нарыг ирэх долоо хоногоос ажилд нь дуудаж оруулах, түлээний модны үнийн хөөрөгдлийг хянах, хичээлийн шинэ жил эхлэхтэй холбогдуулан сургууль цэцэрлэгүүдэд нэн тэргүүнд шаардлагатай байгаа асуудлуудаа эрэмбэлэн танилцуулахыг үүрэг болголоо. 
Мэдээллийн төв 
 
 
 
 

 

Холбоотой мэдээлэл

2017-09-06 1627
ЭРДЭНЭ БАГТ ГАЛ УНТРААХ, АВРАХ АНГИ БАЙГУУЛНА

Засгийн газрын шийдвэрээр Эрдэнэ багт гал унтраах, аврах дөрөвдүгээр зэрэглэлийн анги байгуулахаар болсон. ...

2014-10-26 2954
БОЛОВСРОЛЫН ГАЗРЫН 10 САРЫН 22-26-НЫ 7 ХОНОГИЙН МЭДЭЭ

1.БХАН-ийн “Алхам алхам”-аар хөтөлбөр ОУААХ-ны төслийн хүрээнд багшийн ажилд чанарын үнэлгээ ...

2017-12-08 2968
ЭРДЭНЭТ ХОТЫН ӨДРИЙГ УГТАЖ ЗАГВАРЫН ШОУ БОЛЛОО

нийт 16 аж ахуйн нэгж, 120 гаруй хувцсаар өрсөлдлөө. Түүнчлэн өдөр тутмын хувцас, хэрэглэлийн болон, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 11 Онлайн
  • 1317 Өнөөдөр
  • 1539 Өчигдөр
  • 1317 Долоо хоногт
  • 12020 Сүүлийн сард
  • 6450294 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар