КОРОНОВИРУСИЙН УЛМААС УЛААН БҮСЭД ХЭВТЭН ЭМЧЛҮҮЛЖ БУЙ ИРГЭДЭЭС ЗӨӨВРИЙН ХАЙРЦАГААР САНАЛ АВАХ АЖИЛ ЭХЭЛЛЭЭ

Монгол улсын Ерөнхийлөгчийн 2021 оны ээлжит сонгуульд иргэдийн сонгох эрхийг хангах үүднээс Монгол улсын Сонгуулийн хорооноос бүхий л талын арга хэмжээг авч ажиллаж байна.

Тэгвэл өнөөдөр 09:00 цагаас эхлэн Короновирусын халдварын улмаас улаан бүсэд хэвтэн эмчлүүлж буй иргэд, тэнд ажиллаж буй эмнэлгийн ажилчдаас зөөврийн саналын хайрцгаар саналыг нь авч эхэллээ. 
Аймгийн хэмжээнд нийт 500 гаруй сонгогч зөөврийн саналын хайрцгаар саналаа өгөх хүсэлт ирүүлснээс короновирусын халдварын улмаас хэвтэн эмчлүүлж буй 15 иргэн, тусгаарлах байранд байгаа 14, эмнэлэг, гэрийн ажиглалт тусгаарлалтад байгаа 137, улаан бүст үүрэг гүйцэтгэж байгаа 12 төрийн албан хаагчаас саналыг нь авах ажлыг яг одоо сонгуулийн хорооноос томилогдсон 77 төрийн албан хаагч гүйцэтгэж байна. 
Эдгээрээс гадна гэртээ хэвтрийн өвчтэй, бусдын асаргаанд байдаг 364 иргэнээс ч мөн саналыг нь авах юм.
Хувь хүний нууцтай холбоотойгоор Короновирусын халдварын улмаас улаан бүсэд хэвтэн эмчлүүлж буй иргэдээс санал авах ажлыг зохион байгуулан, хэрэгжүүлж буй төрийн албан хаагчид холбогдох байгууллагад нууцын баталгаанд гарын үсэг зураад ажиллаж байна. 
Түүнчлэн санал авах үйл ажиллагаанд аймгийн сонгуулийн хорооноос алсын зайнаас камерийн системээр хяналт тавин ажиллаж байна. 
        Энэ удаагийн сонгууль Короновирусын халдвар Монгол улсад тархаад буй онцгой хүнд нөхцөл байдалд зохион байгуулагдаж байгаа тул аймгийн сонгуулийн хороо, хэсгийн хороодод ажиллаж буй төрийн албан хаагчдаас өндөр дэглэм, соёл тэсвэр тэвчээр шаардаж байна. Улаанбүсээс ирсэн саналын хуудсыг нь хүртэл онцгой дэглэм, журмын дагуу санал тоолох үеэр ариутгал халдваргүйжүүлэлт хийх юм. 
     Сонгуулийн санал хураах бүхий л үйл явцад мөн намуудын ажиглагч нар хяналт тавьж байна. 
 
Мэдээллийн төв
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-10-09 3838
ОРХОН АЙМГИЙН ЗАСАГ ДАРГЫН ОРЛОГЧ С.БАТЖАРГАЛ ХАЛААЛТ, ДУЛААНЫ АСУУДАЛТАЙ БАЙГУУЛЛАГУУДАД ОЧИЖ АЖИЛЛАВ

Орхон аймгийн Засаг даргын Хот байгуулалт, дэд бүтэцийн асуудал эрхэлсэн орлогч С.Батжаргал, аймгийн ...

2014-07-08 1378
МЭНДЧИЛГЭЭ

Эрхэм хүндэт наадамчид аа, Эрдэнэтчүүдээ, ноёд, хатагтай нар аа.

2018-09-03 3368
ОРОН НУТГИЙН 524 САЯ ТӨГРӨГӨӨР ХОТ ТОХИЖУУЛАХ ГАЗАР ШИНЭ ТЕХНИКТЭЙ БОЛЛОО

Аймгийн Хот тохижуулах газар Hovo маркийн хоёр автомашин, нэг тракторьтой боллоо. Үүнийг орон нутгийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.234.252.109
2021-06-10-ний өдрөөс хойш.
  • 27 Онлайн
  • 584 Өнөөдөр
  • 11889 Өчигдөр
  • 584 Долоо хоногт
  • 190550 Сүүлийн сард
  • 4683646 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  950

Facebook

Цаг агаар