“ОРОН НУТГИЙН ХӨГЖЛИЙГ КЛАСТЕРИЙН ХАМТЫН АЖИЛЛАГААГААР ДЭМЖИХ НЬ” СЭДЭВТ ВИРТУАЛ ФОРУМ ЗОХИОН БАЙГУУЛАГДЛАА

 “Орон нутгийн хөгжлийг кластерийн хамтын ажиллагаагаар дэмжих нь” сэдэвт виртуал форум өнөөдөр цахимаар зохион байгуулагдлаа.

     Тус форумыг Засгийн газрын хэрэгжүүлэгч агентлаг Жижиг, дунд үйлдвэрийн газар АНУ-ын Олон Улсын Хөгжлийн Агентлаг (USAID)-ийн “Жижиг, Дунд Бизнесийн Тогтвортой Хөгжлийг Сайжруулах, Ил Тод Байдлыг Нэмэгдүүлэх” (BEST) хөтөлбөртэй хамтран зохион байгууллаа.
 
   BEST хөтөлбөр нь 5 жилийн хугацаанд хэрэгжиж байгаа бөгөөд жижиг, дунд бизнесийн санхүүжилтийн хүртээмжийг нэмэгдүүлж, эдийн засгийн сайн засаглал, хариуцлага, ил тод байдлыг сайжруулах замаар Монгол Улсын эдийн засгийг төрөлжүүлэн өсгөхөд чиглэгдсэн хөтлбөр юм.
     “Орон нутгийн хөгжлийг кластерийн хамтын ажиллагаагаар дэмжих нь” сэдэвт виртуал форум нь цар тахлын дараах бизнесийн шинэ хэв маягийн орчинд орон нутгийн жижиг бизнесүүдийн хамтран хөгжих, кластерийг дэмжих чиглэлээр ОУ-ын болон дотоодын боломжууд, сайн туршлагыг хуваалцахад чиглэгдэж байна.
     Кластер гэдэг нь тодорхой нэгэн салбарт ижил төрлийн үйл ажиллагаа явуулдаг, нэг нэгнийгээ харилцан нөхөж байдаг, газарзүйн хувьд хөрш зэргэлдээ оршдог, хоорондоо нягт харилцаатай компаниуд болон тэдгээртэй холбоотой байгууллагуудын бүлэг юм. 
     Энэхүү форумыг нээж АНУ-аас Монгол улсад суугаа онц бөгөөд бүрэн эрхт элчин сайт Майкл Келеческий үг хэлэв. Тус форумд аймаг орон нутгийн жижиг дунд бизнес эрхлэгчдийн төлөөлөл оролцлоо. Манай аймгаас аймгийн Засаг даргын орлогч А.Түвшинжаргал болон зарим жижиг, дунд бизнес эрхлэгчид оролцлоо. 
“Бичил үйлдвэр, үйлчилгээ эрхлэгч” гэж 10 хүртэл ажилтантай, үйлдвэрлэл, худалдаа, үйлчилгээний салбарт үйл ажиллагаа явуулдаг, жилийн 300 сая төгрөг хүртэл борлуулалтын орлоготой аж ахуйн нэгжийг, “жижиг үйлдвэр, үйлчилгээ эрхлэгч” гэж 10-50 хүртэл ажилтантай, үйлдвэрлэл, худалдаа, үйлчилгээний салбарт үйл ажиллагаа явуулдаг, жилийн 300 саяаас 1 тэрбум төгрөг хүртэл борлуулалтын орлоготой аж ахуйн нэгжийг, “дунд үйлдвэр, үйлчилгээ эрхлэгч” гэж 50-200 хүртэл ажилтантай, үйлдвэрлэл, худалдаа, үйлчилгээний салбарт үйл ажиллагаа явуулдаг, жилийн 1-2.5 тэрбум төгрөг хүртэл борлуулалтын орлоготой аж ахуйн нэгжийг хэлдэг. 
Форумд оролцогчдын зүгээс 3 хувийн зээлийн хөтөлбөрийг эргэлтийн хөрөнгө бус хөрөнгө оруулалтын зээл тусламж чиглэлээр олгох, Засгийн газраас хэрэгжүүлж буй 10 их наядын хөтөлбөрт ЖДҮ-үүдэд хөрөнгө оруулалт хийх чиглэлээр хэрэгжүүлэх, дотоодын үйлдвэр эрхлэгчдийг төрийн худалдан авалтаар дэмжих, төрийн болон орон нутгийн өмчийн байгууллагуудтай холбох, “Эх оронч худалдан авалт хийж үндэсний үйлдвэрлэл”-ээ дэмжиж талаар анхаарч ажиллах хүсэлт их гарч байлаа.
 
Мэдээллийн төв
 
 
 

 

Сэтгэгдэл


Холбоотой мэдээлэл

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.239.56.184
2021-03-29-ний өдрөөс хойш.
  • 56 Онлайн
  • 5925 Өнөөдөр
  • 6396 Өчигдөр
  • 12321 Долоо хоногт
  • 145331 Сүүлийн сард
  • 4390707 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  932

Facebook

Цаг агаар